November 03, 2021
November 03, 2021
ഡൽഹി : പെട്രോളിന്റെയും ഡീസലിന്റെയും എക്സൈസ് തീരുവ കുറയ്ക്കുമെന്ന് പ്രഖ്യാപിച്ച് കേന്ദ്രം. ഇതോടെ പെട്രോൾ ലിറ്ററിന് 5 രൂപയും ഡീസലിന് 10 രൂപയും കുറയും. നാളെ മുതലാണ് ഇളവ് പ്രാബല്യത്തിൽ വരിക. ഇന്ധനവില സർവ്വകാല റെക്കോർഡിലേക്ക് കുതിച്ചതോടെ രാജ്യത്തിന്റെ നാനാഭാഗത്തും പ്രതിഷേധങ്ങൾ അലയടിച്ചിരുന്നു. ഇതിന് പിന്നാലെയാണ് തീരുമാനം.
ഫിബ്രവരിയിൽ കുത്തനെ കൂടിയ ഇന്ധനവില ഒക്ടോബറിലും മുകളിലേക്ക് കുതിക്കുകയായിരുന്നു. ഒക്ടോബർ മാസത്തിൽ മാത്രം പെട്രോൾ ലിറ്ററിന് 7.82 രൂപയും ഡീസൽ ലിറ്ററിന് 8.71 രൂപയുമാണ് വർധിച്ചത്. ഇന്ധനവില താങ്ങാൻ കഴിയാത്തതിനാൽ യാത്രാനിരക്ക് വർധിപ്പിക്കണം എന്ന ആവശ്യവുമായി കേരളത്തിലെ സ്വകാര്യബസുടമകൾ നവംബർ 9 മുതൽ അനിശ്ചിതകാലസമരം പ്രഖ്യാപിച്ചിരുന്നു.