October 21, 2021
October 21, 2021
അങ്കാറ : ഇസ്രയേലിനായി ചാരപ്പണി നടത്തിയവരിൽ ഫലസ്തീൻ സ്വദേശികളുമുണ്ടെന്ന് തുർക്കി ഇന്റലിജൻസ് ഏജൻസിയായ എംഐടിയുടെ വെളിപ്പെടുത്തൽ. ഇസ്രായേൽ ചാരസംഘടനയായ മൊസാദിന് വേണ്ടി പ്രവർത്തിച്ച പതിനഞ്ച് പേരെ എംഐടി അറസ്റ്റ് ചെയ്തിരുന്നു. കഴിഞ്ഞ സെപ്റ്റംബറിൽ തുർക്കിയിൽ നിന്നും കാണാതായ ഫലസ്തീൻ സ്വദേശികളും പിടിയിലായവരിൽ ഉൾപെട്ടിട്ടുണ്ട് എന്നാണ് പുറത്തുവരുന്ന റിപ്പോർട്ടുകൾ.
'സബാഹ്' ദിനപത്രമാണ് ഇസ്രായേൽ ചാരന്മാർ അറസ്റ്റിലായ വാർത്ത പുറത്തുവിട്ടത്. ഇവർ ഏതൊക്കെ രാജ്യങ്ങളിൽ നിന്നുള്ളവരാണെന്ന് വ്യക്തമാക്കിയില്ലെങ്കിലും 'അറബ്" വംശജരാണ് ഇവരെന്ന് പത്രം അറിയിച്ചിരുന്നു. തുർക്കിയിൽ ജീവിക്കുന്ന ഫലസ്തീൻ സ്വദേശികളുടെ വിവരങ്ങൾ ചോർത്തുകയായിരുന്നു പിടിയിൽ അകപ്പെട്ടവരുടെ
ദൗത്യം എന്നും 'സബാഹ്' റിപ്പോർട്ട് ചെയ്തു.
