October 20, 2021
October 20, 2021
ഉത്തർപ്രദേശിൽ കന്യാസ്ത്രീയ്ക്ക് നേരെ ഹിന്ദുത്വവാദികളുടെ ആക്രമണം. മിർപ്പൂർ മിഷനറി സ്കൂളിലെ പ്രിൻസിപ്പാൾ അടക്കമുള്ള സംഘത്തിനാണ് മർദ്ദനം നേരിടേണ്ടിവന്നത്. വാരാണസിയിലേക്കുള്ള ബസ്സിനായി മൗ ബസ് സ്റ്റാന്റിൽ എത്തിയ ഇവരെ ഹിന്ദുയുവവാഹിനി പ്രവർത്തകർ കയ്യേറ്റം ചെയ്യുകയായിരുന്നു.
മതപരിവർത്തനത്തിന് ശ്രമിക്കുന്നു എന്നാരോപിച്ചാണ് സംഘം ഇവരെ ആക്രമിച്ചത്. പ്രശ്നം ഉടലെടുത്തതോടെ സമീപത്തുള്ള പോലീസ് സ്റ്റേഷനിലേക്ക് മാറ്റിയ കന്യാസ്ത്രീകളെ ഉന്നത ഉദ്യോഗസ്ഥർ ഇടപെട്ട ശേഷമാണ് സുരക്ഷിതരായി മോചിപ്പിച്ചത്. അതേസമയം, സംഭവത്തിൽ കന്യാസ്ത്രീകൾ പരാതി നൽകിയെങ്കിലും കേസെടുത്തിട്ടില്ല എന്ന് ആക്ഷേപമുയരുന്നുണ്ട്.
