February 18, 2022
February 18, 2022
മനാമ : ജി.സി.സി സഹരാഷ്ട്രമായ ഖത്തറുമായി ബഹ്റൈന് പ്രശ്നങ്ങൾ ഇല്ലെന്ന് വിദേശകാര്യമന്ത്രി ഡോ. അബ്ദുൾ ലത്തീഫ് ബിൻ റാഷിദ്‌ അൽ സയാനി. ജി.സി.സി രാജ്യങ്ങൾ ഒന്നുചേർന്ന് ഒപ്പിട്ട അൽ ഉല കരാറിനെ പൂർണമായും അംഗീകരിക്കുന്നതായും മന്ത്രി കൂട്ടിച്ചേർത്തു. സാങ്കേതികമായ ചില തകരാറുകൾ കൊണ്ടാണ് ഖത്തറുമായി ബന്ധം പുനഃസ്ഥാപിക്കാൻ വൈകുന്നതെന്നും അൽ സയാനി പറഞ്ഞു.
അൽ ഉല കരാറോടെ ഖത്തറിന് ഏർപ്പെടുത്തിയ ഉപരോധം അടക്കമുള്ള പ്രശ്നങ്ങൾ പൂർണമായും അവസാനിച്ചെങ്കിലും, ഇരുരാജ്യങ്ങളും സൗഹൃത്തിൽ അല്ലെന്നുള്ള അഭ്യൂഹങ്ങൾ പടർന്നിരുന്നു. പിന്നാലെയാണ് മന്ത്രി നിലപാട് വ്യക്തമാക്കിയത്. ഖത്തറുമായി ചർച്ച നടത്താൻ മൂന്ന് തവണ ശ്രമിച്ചെങ്കിലും, ഖത്തർ സന്നദ്ധത അറിയിച്ചില്ലെന്നും മന്ത്രി വ്യക്തമാക്കി. ഈ ആരോപണത്തോട് ഖത്തർ ഇതുവരെ ഔദ്യോഗികമായി പ്രതികരിച്ചിട്ടില്ല.
