July 05, 2021
July 05, 2021
റിയാദ്: സഊദിയില് ആറ് മേഖലകളില്കൂടി സ്വദേശിവല്ക്കരണം വരുന്നു.മാനവവിഭവശേഷി സാമൂഹിക വികസന മന്ത്രി അഹമ്മദ് ബിന് സുലൈമാന് അല് രജ്ഹിയാണ് ഇക്കാര്യം പ്രഖ്യാപിച്ചത്. നിയമം, അഭിഭാഷകരുടെ ഓഫിസ്, റിയല് എസ്റ്റേറ്റ്, ഫിലിം ആന്റ് ഡ്രൈവിങ് സ്കൂളുകള്, കസ്റ്റംസ് ക്ലിയറന്സ്, സാങ്കേതിക എന്ജിനീയറിങ് എന്നീ മേഖലകളിലാണ് സ്വദേശിവത്കരണം വരുന്നത്. ഇവിടങ്ങളില് ജോലി ചെയ്യുന്ന പ്രവാസികളെ കൂട്ടത്തോടെ പിരിച്ചുവിടും. മേഖലയിലെ 40,000 ഓളം തൊഴിലുകളില് സഊദികളെ നിയമിക്കും. വിവിധ ഘട്ടങ്ങളിലായി നടപ്പാക്കിവരുന്ന സഊദിവല്ക്കരണത്തിലൂടെ രാജ്യത്തെ തൊഴിലില്ലായ്മാ നിരക്ക് കുറക്കുകയെന്നതാണ് സര്ക്കാര് നയം. കൊവിഡ് പ്രതിസന്ധിയില് നട്ടം തിരിയുന്ന മലയാളികള് ഉള്പ്പെടെയുള്ള പ്രവാസികള്ക്ക് വലിയ ആഘാതമാണ് പുതിയ പരിഷ്കാരം ഉണ്ടാക്കുക.