December 26, 2020
December 26, 2020
ദോഹ: ഖത്തറില് ഇന്ന് (ഡിസംബര് 26 ശനിയാഴ്ച) പുതുതായി 169 പേര്ക്ക് കൊവിഡ്-19 രോഗം സ്ഥിരീകരിച്ചു. ഇതില് 110 പേര് സമ്പര്ക്കത്തിലൂടെ രോഗം ബാധിച്ചവരും 59 പേര് വിദേശത്തു നിന്ന് എത്തിയവരുമാണെന്ന് ഖത്തര് പൊതുജനാരോഗ്യ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനിടെ 145 പേര് രോഗമുക്തി നേടി. രോഗമുക്തി നേടിയവരുടെ ആകെ എണ്ണം ഇതോടെ 140,687 ആയി. ഖത്തറില് 244 പേരാണ് ഇതുവരെ കൊവിഡ്-19 ബാധിച്ച് മരിച്ചത്.
രാജ്യത്ത് ആകെ കൊവിഡ് ബാധിച്ചവരുടെ എണ്ണം 142,903 ആയി. ആക്ടീവ് കേസുകള് 1972 ആണ്.
Also Read: അല് ഖോര് പാര്ക്കിലേക്കുള്ള പ്രവേശന ടിക്കറ്റ് ഇനി മുതൽ അല് മീറ ശാഖകളില് ലഭിക്കും
കഴിഞ്ഞ 24 മണിക്കൂറിനിടെ 6529 ടെസ്റ്റുകളാണ് ആകെ നടത്തിയത്. ഇതില് 3507 പേര് ആദ്യമായി ടെസ്റ്റ് നടത്തിയവരാണ്. ഖത്തറില് ഇതുവരെ ആകെ 1,219,417 ടെസ്റ്റുകളാണ് നടത്തിയത്.
രോഗം ബാധിച്ച 26 പേരെയാണ് കഴിഞ്ഞ 24 മണിക്കൂറിനിടെ ആശുപത്രിയിലേക്ക് മാറ്റിയത്. ഇതോടെ ആശുപത്രിയില് ചികിത്സയിലുള്ള ആകെ രോഗികളുടെ എണ്ണം 219 ആയി. ഐ.സി.യുവിലേക്ക് പുതുതായി രണ്ടു പേരെ മാറ്റിയിട്ടുണ്ട്. നിലവില് ഐ.സി.യുവില് ചികിത്സയിലുള്ളത് 25 പേരാണ്.
Also Read: ഖത്തറിലെ ഓണ്ലെന് വ്യാപാരത്തില് വന് വര്ധനവ്
രോഗം സ്ഥിരീകരിച്ച എല്ലാവരെയും ഐസൊലേഷനിലാക്കുകയും ആവശ്യമായ ചികിത്സ ലഭ്യമാക്കുകയും ചെയ്തിട്ടുണ്ട്.
കൊവിഡ് വ്യാപനം നിയന്ത്രക്കാനായി ശാരീരിക അകലം പാലിക്കണമെന്നും മാസ്ക് ധരിക്കണമെന്നും കൈകള് ഇടയ്ക്കിടെ സോപ്പുപയോഗിച്ച് കഴുകണമെന്നും ആള്ക്കൂട്ടങ്ങള് ഒഴിവാക്കണമെന്നും മന്ത്രാലയം ജനങ്ങളോട് അഭ്യര്ത്ഥിച്ചു.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.