September 10, 2020
September 10, 2020
ദോഹ: ഈ മാസം 13 മുതൽ ഖത്തർ പോലീസിന്റെ യൂണിഫോമിൽ അടിമുടി മാറ്റം വരുന്നു. പുതിയ ഡ്രസ്‌കോഡ് നിലവില്‍ വരുന്നതോടെ പോലീസ് ഉൾപ്പെടെയുള്ള ആഭ്യന്തര സുരക്ഷാ വിഭാഗം ഉദ്യോഗസ്ഥരെ കണ്ടാൽ പെട്ടെന്ന് തിരിച്ചറിയാൻ പ്രയാസമാകും. പോലിസ് ട്രെയ്‌നിങ് ഇന്‍സ്റ്റിറ്റ്യൂട്ടില്‍ നടത്തിയ വാര്‍ത്താ സമ്മേളനത്തില്‍ ആഭ്യന്തര മന്ത്രാലയമാണ് പുതിയ പരിഷ്‌കാരങ്ങൾ പ്രഖ്യാപിച്ചത്.
ഖത്തര്‍ പോലിസ് യൂനിഫോം മാന്വല്‍ പ്രകാരം ആഘോഷങ്ങള്‍, ഔദ്യോഗികം, ഡ്യൂട്ടി, ഫീല്‍ഡ്, സ്‌പെഷ്യലൈസ്ഡ് ഫീല്‍ഡ്, ട്രെയ്‌നിങ്, സ്‌പെഷ്യല്‍ മിഷന്‍ എന്നിങ്ങനെ ഡ്രസ് കോഡ് ഏഴായി തിരിച്ചിട്ടുണ്ട്. വേനല്‍ കാലത്തും തണുപ്പ് കാലത്തും പ്രത്യേക യൂനിഫോമും ഉണ്ടാവും.
പബ്ലിക് ട്രാന്‍സ്‌പോര്‍ട്ട് സെക്യൂരിറ്റി, എയര്‍പോര്‍ട്ട് സെക്യൂരിറ്റി, ട്രാഫിക് പട്രോള്‍, സ്‌റ്റേഡിയം സെക്യൂരിറ്റി എന്നിവയ്ക്ക് പ്രത്യേക യൂനിഫോമുകള്‍ രൂപകല്‍പ്പന ചെയ്തിട്ടുണ്ട്. വനിതാ പോലിസ് ഓഫിസര്‍മാര്‍ക്ക് വേറെ തന്നെ ഡ്രസ് കോഡ് ഉണ്ടാവും.
ന്യൂസ്‌റൂം വാർത്തകളും തൊഴിലവസരങ്ങളും അറിയാൻ ഇവിടെ ക്ലിക്ക് ചെയ്യുക
