November 09, 2020
November 09, 2020
ദുബായ് :സന്ദര്ശക വിസയില് ദുബൈയില് എത്തി കാണാതായ മലയാളി യുവാവിനെ കണ്ടെത്തി. കണ്ണൂര് പയ്യന്നൂര് രാമന്തളി ചെനോത്ത് തുരുത്തുമ്മല് ആശിഖാണ് (31) കഴിഞ്ഞ ദിവസം വൈകീട്ടോടെ ഇന്റര്നാഷനല് സിറ്റിയിലെ സുഹൃത്തിന്റെ അപ്പാര്ട്മെന്റില് തിരിച്ചെത്തിയത്.
ദുബൈ ഇന്റര്നാഷനല് സിറ്റിയില് സുഹൃത്തിനൊപ്പം താമസിക്കുന്നതിനിടെ കഴിഞ്ഞ ഓക്ടോബര് 31നാണ് ഇയാളെ കാണാതായത്. സുഹൃത്തുക്കളും ബന്ധുക്കളും പൊലീസില് പരാതി നല്കി തിരച്ചില് തുടരുന്നതിനിടെയാണ് ആശിഖ് തിരികെയെത്തിയത്.
അബൂദബിയില് ഷോപ്പില് ജോലിക്ക് കയറുന്നതിനായി കഴിഞ്ഞ 16നാണ് ദുബൈയില് എത്തിയത്. അബൂദബിയില് 14 ദിവസം ക്വാറന്റീന് നിര്ബന്ധമായതിനാല് ആ കാലാവധി കഴിഞ്ഞ് അവിടെയെത്താനായിരുന്നു പദ്ധതി. ഇതിനിടയിലാണ് കാണാതാവുന്നത്.മുമ്പ് അബൂദബിയില് ജോലി ചെയ്തിരുന്ന ആശിഖ് അടുത്തിടെ നാട്ടില് പോയിരുന്നു. പിന്നീട് സന്ദര്ശക വിസയില് തിരിച്ചെത്തുകയായിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.