November 15, 2020
November 15, 2020
ദോഹ: നീതിന്യായ മന്ത്രാലയത്തിന്റെ സേവനങ്ങൾ എളുപ്പത്തിലും കാര്യക്ഷമമായും ജനങ്ങളിൽ എത്തിക്കുന്നതിന് അബ്ഷിര് കാര് സര്വീസ് പ്രവർത്തനം തുടങ്ങി.ലീഗല് നോട്ടറിയും മറ്റ് ഔദ്യോഗിക കൃത്യനിര്വഹണത്തിന് ആവശ്യമായ സൗകര്യങ്ങളും ഉള്പ്പെടുത്തിയാണ് അബ്ഷിര് കാര് സര്വീസ്ഒരുക്കിയത്.മന്ത്രാലയമോ അതിന്റെ ബ്രാഞ്ചുകളോ സന്ദര്ശിക്കാതെ തന്നെ ജനങ്ങള്ക്ക് ആവശ്യമായ സേവനം ലഭ്യമാക്കുകയാണ് ഇതിലൂടെ ലക്ഷ്യമാക്കുന്നത്.അബ്ഷര് കാറില് ഒരു സര്ക്കാര് നോട്ടറിയാണ് ഉണ്ടാവുക.
നിശ്ചിത നിരക്കിലാണ് അബ്ഷിര് സേവനം പൊതുജനങ്ങള്ക്ക് ലഭ്യമാവുക. സര്ക്കാര് സ്ഥാപനങ്ങള്ക്കും സ്വകാര്യ സ്ഥാപനങ്ങള്ക്കും ആവശ്യമെങ്കില് ഈ സേവനം പ്രയോജനപ്പെടുത്താം.
ജനങ്ങള്ക്ക് ഇടപാടുകള് സുഗമമാക്കാനുള്ള മന്ത്രാലയത്തിന്റെ ശ്രമങ്ങളിലെ പുതിയ കാൽവെപ്പാണ് അബ്ഷിര് കാര് സേവനമെന്ന് നീതി വകുപ്പ് പ്രസ്താവനയില് വ്യക്തമാക്കി.സമൂഹത്തിലെ എല്ലാവര്ക്കും, പ്രത്യേകിച്ച് പ്രായമായവര്ക്കും പ്രത്യേക പരിഗണന വേണ്ടവര്ക്കും ഈ സേവനം ഏറെ ഉപകാരപ്പെടുമെന്നും മന്ത്രാലയം സൂചിപ്പിച്ചു.
ഉപഭോക്താക്കളുടെ സ്വകാര്യത മാനിച്ചു കൊണ്ട് കാറിലെ ജീവനക്കാരില് പുരുഷന്മാരെയും വനിതകളെയും ഉള്പെടുത്തിയിട്ടുണ്ട്.റിയല് എസ്റ്റേറ്റ് രജിസ്ട്രേഷന്, ഡോക്യുമെന്റേഷന് ഉള്പ്പെടെയുള്ള സേവനങ്ങള്ക്കൊപ്പം ഇലക്ട്രോണിക് ആയി സമര്പ്പിക്കുന്ന ഇടപാടുകളും പൂര്ത്തിയാക്കാന് മൊബൈൽ യൂണിറ്റിൽ സൗകര്യമുണ്ടാകും.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക.