December 20, 2020
December 20, 2020
ദോഹ: ഖത്തറില് പുരുഷന്മാര്ക്കായുള്ള മസാജ് പാര്ലറുകള് തുറന്ന് പ്രവര്ത്തിക്കുന്നതിനുള്ള നിബന്ധനകള് പുറത്തിറക്കി. വാണിജ്യ, വ്യവസായ മന്ത്രാലയമാണ് നിബന്ധനകള് പുറത്തിറക്കിയത്.
വാണിജ്യ പ്രവര്ത്തനങ്ങളുടെ മേല്നോട്ടം, നിയന്ത്രണം എന്നിവയും ഉപഭോക്താക്കളുടെ അവകാശങ്ങള് സംരക്ഷിക്കുന്നതിനും സുരക്ഷിതമായ ബിസിനസ് അന്തരീക്ഷം പ്രോത്സാഹിപ്പിക്കുന്നതിനും ആവശ്യമായ നടപടികള് കൈക്കൊള്ളുന്നതിനുമുള്ള ചട്ടക്കൂടിനുള്ളില് നിലകൊണ്ടുള്ളതാണ് ഈ സംരംഭം എന്ന് മന്ത്രാലയം ട്വിറ്ററിലൂടെ അറിയിച്ചു.
പുരുഷന്മാര്ക്ക് മസാജ് സേവനങ്ങള് നല്കുന്ന ഷോപ്പുകള്ക്ക് ബാധകമായ നിബന്ധനകള് ഇനി പറയുന്നവയാണ്:
1. ഷോപ്പിന്റെ മുന്വശം ഗ്ലാസ് കൊണ്ടുള്ളതാണം ടിന്റഡ് ഗ്ലാസ്, കര്ട്ടനുകള്, തുടങ്ങി ഷോപ്പിനുള്ളിലെ കാഴ്ചയെ തടസപ്പെടുത്തുന്ന വസ്തുക്കള് ഉണ്ടാകുന്നത് നിരോധിച്ചിരിക്കുന്നു.
2. ബാര്ബര് ഷോപ്പ് സേവനങ്ങളില് നിന്ന് പ്രത്യേകം മാറിയാകണം മസാജ് സേവനം.
3. രാവിലെ എട്ട് മണി മുതല് രാത്രി ഒമ്പതു മണി വരെ മാത്രമേ മസാജ് പാര്ലറുകള് പ്രവര്ത്തിക്കാന് പാടുള്ളൂ.
4. ജീവനക്കാരുടെ വ്യക്തിശുചിത്വം ഉറപ്പു വരുത്തണം. ഷോപ്പ് വൃത്തിയാക്കുകയും ആരോഗ്യപാലനത്തിനുള്ള നടപടികള് പാലിക്കുകയും ചെയ്യണം. ഉപയോഗിച്ച ഉപകരണങ്ങള് വീണ്ടും ഉപയോഗിക്കുന്നതിന് മുമ്പ് വൃത്തിയാക്കണം.
5. ഷോപ്പിലെ ജീവനക്കാര് പകര്ച്ചാ വ്യാധികളില് നിന്ന് മുക്തരാണെന്നും മസാജ് സേവനം നല്കാന് യോഗ്യരാണെന്നും തെളിയിക്കുന്ന മെഡിക്കല് സര്ട്ടിഫിക്കറ്റ് ഉണ്ടെന്ന് ഉറപ്പു വരുത്തണം.
6. കൊറോണ വൈറസിന്റെ വ്യാപനം തടയാനുള്ള മുന്കരുതലുകള് കര്ശനമായി പാലിക്കണം.
ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.