September 10, 2021
September 10, 2021
മലയാളസിനിമയിലെ ലേഡി സൂപ്പർസ്റ്റാർ മഞ്ജുവാര്യർ അറബിക് ചലച്ചിത്ര രംഗത്ത് അരങ്ങേറാൻ ഒരുങ്ങുന്നു. തന്റെ 43ആം പിറന്നാൾ ദിനത്തിൽ, ഇൻസ്റ്റഗ്രാം പോസ്റ്റിലൂടെ മഞ്ജു തന്നെയാണ് ചിത്രത്തിന്റെ പോസ്റ്റർ പുറത്തുവിട്ടത്.
ആയിഷ എന്ന് പേരിട്ടിരിക്കുന്ന ചിത്രം ഒരേ സമയം മലയാളത്തിലും അറബിയിലും റിലീസ് ചെയ്യും. രണ്ട് ഭാഷകളിലായി റിലീസ് ചെയ്യപ്പെടുന്ന ആദ്യ വാണിജ്യസിനിമയാവും ഇതെന്ന് അണിയറ പ്രവർത്തകർ അവകാശപ്പെടുന്നു. ആമിർ പള്ളിക്കൽ സംവിധാനം ചെയ്യുന്ന "ആയിഷ"യുടെ രചന നിർവഹിക്കുന്നത് ആഷിഫ് കക്കോടിയാണ്. സക്കറിയ നിർമിക്കുന്ന ചിത്രത്തിലെ ഗാനങ്ങൾക്ക് എം ജയചന്ദ്രൻ ഈണം പകരും. സിനിമയുടെ ഉള്ളടക്കം സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.