April 15, 2022
April 15, 2022
റിയാദ് : വാഹനത്തിലെ ഇന്ധനം തീർന്നെന്നും, സഹായിക്കണമെന്നും അഭ്യർത്ഥിച്ച് പെട്രോൾ പമ്പിൽ യാചന നടത്തിയ യുവാവ് അറസ്റ്റിൽ. സുരക്ഷാ വകുപ്പാണ് ഇയാളെ കസ്റ്റഡിയിൽ എടുത്തത്. പമ്പിലെത്തിയ പലരെയും ഇയാൾ സമീപിക്കുന്നത് കണ്ട് സംശയം തോന്നിയ ഉദ്യോഗസ്ഥർ നിജസ്ഥിതി അന്വേഷിക്കുകയായിരുന്നു. ഇയാൾ പറഞ്ഞത് കളവാണെന്നും, യാചനയിലൂടെ പണമുണ്ടാക്കാനായിരുന്നു ലക്ഷ്യമെന്നും പോലീസ് കണ്ടെത്തി. പിന്നാലെയാണ് യുവാവിനെ അറസ്റ്റ് ചെയ്ത് തുടർ നടപടികൾക്കായി ബന്ധപ്പെട്ട ഉദ്യോഗസ്ഥർക്ക് കൈമാറിയത്. പരിശുദ്ധ റമദാൻ കണക്കിലെടുത്ത്, യാചകർക്കെതിരെ കർശന നടപടികൾ സ്വീകരിക്കുമെന്ന് അധികൃതർ നേരത്തെ തന്നെ മുന്നറിയിപ്പ് നൽകിയിരുന്നു.
