February 14, 2022
February 14, 2022
റിയാദ്: ജിദ്ദ നാഷണൽ ആശുപത്രിയിൽ ചികിത്സയിലായിരുന്ന മലയാളി മരിച്ചു. മലപ്പുറം വടക്കാങ്ങര അറക്കൽകുണ്ട് സ്വദേശി അറക്കൽ ശരീഫ് ആണ് മരിച്ചത്. 35 വയസായിരുന്നു. 13 വർഷമായി ജിദ്ദയിൽ ജോലി ചെയ്യുന്ന ഇദ്ദേഹം ഒരു വർഷം മുൻപാണ് അവധി കഴിഞ്ഞ് നാട്ടിൽ നിന്ന് തിരിച്ചെത്തിയത്.
തലയ്ക്കകത്ത് കണ്ടെത്തിയ മുഴ ആണ് മരണ കാരണം. ചികിത്സക്കിടയിൽ രോഗം ഗുരുതരമാവുകയും ജിദ്ദ നാഷനൽ ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിക്കുകയും ചെയ്‌തെങ്കിലും മരണം സംഭവിക്കുകയായിരുന്നു. നടപടിക്രമങ്ങൾ പൂർത്തിയാക്കിയ ശേഷം മൃതദേഹം ജിദ്ദ റുവൈസ് മഖ്ബറയിൽ ഖബറടക്കി.
പിതാവ്: അറക്കൽ മൊയ്തു
മാതാവ്: വടക്കേതിൽ ജമീല മക്കരപ്പറമ്പ്
ഭാര്യ: സുനീറ തൊടുമണ്ണിൽ ചെട്ട്യാരങ്ങാടി
സഹോദരങ്ങൾ: നാസർ (ഖുൻഫുദ) ബുഷ്റ വലമ്പൂർ, സുഹ്റ നെമ്മിനി, നസീറ കുന്നക്കാവ്, നുസ്റത്ത് ഹാജിയാർ പള്ളി
