December 08, 2021
December 08, 2021
കോഴിക്കോട് : സൗദി അറേബ്യയിലെ ബിഷ അൽ റെയ്നിലുണ്ടായ വാഹനാപകടത്തിൽ മരിച്ച മലയാളി ദമ്പതികളുടെയും മക്കളുടെയും മൃതദേഹങ്ങൾ ഖബറടക്കി.ഇന്ന് രാവിലെ പത്തരയോടെ കോഴിക്കോട് ബേപ്പൂർ ജുമാ മസ്ജിദ് ഖബറിസ്ഥാനിലാണ് മൃതദേഹങ്ങൾ ഖബറടക്കിയത്.ഇന്ന് രാവിലെ ഒൻപത് മണിയോടെയാണ് അഞ്ചു മൃതദേഹങ്ങളും വീട്ടിലെത്തിച്ചത്.നാടുംനാട്ടുകാരും ബന്ധുക്കളുമടക്കം വൻ ജനാവലിയുടെ സാന്നിധ്യത്തിലായിരുന്നു ഖബറടക്കം.
കഴിഞ്ഞ വെള്ളിയാഴ്ച ബിഷ അൽ റെയ്ൻ റോഡിലാണ് അപകടമുണ്ടായത്. കോഴിക്കോട് ബേപ്പൂർ സ്വദേശി മുഹമ്മദ് ജാബിർ, ഭാര്യ ഷബ്ന, മക്കളായ 12 കാരൻ ലുത്ഫി, ഏഴു വയസ്സുകാരി സഹ, അഞ്ചു വയസ്സുകാരി ലൈബ എന്നിവരാണ് മരിച്ചത്.കമ്പനിയുടെ ജിസാൻ ബ്രാഞ്ചിൽ ജോലിക്ക് ചേരുന്നതിന് ജുബൈലിൽ നിന്ന് കുടുംബ സമേതം പുറപ്പെട്ടതായിരുന്നു.ശനിയാഴ്ച രാവിലെ ജാബിർ ജോലി സ്ഥലത്ത് എത്താത്തതിനെ തുടർന്ന് നടത്തിയ അന്വേഷണത്തിലാണ് അപകടം സംബന്ധിച്ച വിവരം ലഭിച്ചത്.സന്ദർശക വിസയിൽ ഒന്നര മാസം മുമ്പാണ് ജാബിറിന്റെ ഭാര്യയും മക്കളും സൗദിയിൽ എത്തിയത്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക