November 28, 2021
November 28, 2021
സൗദിയുടെ ഭൂപടത്തിൽ ഇനി ' മലപ്പുറം ' ഉണ്ടാവില്ല.. സൗദി അറേബ്യയിലെ മലപ്പുറമെന്നും മലബാറെന്നും വിശേഷിപ്പിക്കപ്പെടുന്ന ഷറഫിയയിലെ കെട്ടിടങ്ങളാണ് അധികൃതർ പൊളിച്ചുനീക്കുന്നത്. ജൂലൈ ഒന്നിന് സൗദി അറേബ്യയിൽ നടപ്പാക്കിയ സൗദി ബിൽഡിങ് കോഡ് പദ്ധതിയുടെ ഭാഗമായാണ് നടപടി.
മലപ്പുറം,കോഴിക്കോട് ഭാഗത്തുനിന്നുള്ള മലയാളികളാണ് ഇവിടെ പ്രധാനമായും കച്ചവടം നടത്തിയിരുന്നത്.അതുകൊണ്ടു തന്നെ മലയാളികൾക്കിടയിൽ 'മലപ്പുറം" എന്ന അപര നാമത്തിലാണ് ഈ കെട്ടിടങ്ങൾ അറിയപ്പെട്ടിരുന്നത്.കെട്ടിടങ്ങൾ പൊളിച്ചുനീക്കാൻ തുടങ്ങിയതോടെ കാലങ്ങളായി ഇവിടെ കച്ചവടം നടത്തി വരുന്നവർ പ്രതിസന്ധിയിലായിരിക്കുകയാണ്.. മിക്കവരും പുതിയ കടമുറികൾ കണ്ടെത്താനുള്ള ഓട്ടത്തിലാണ്.
ഏറെ പഴക്കം ചെന്ന കെട്ടിടങ്ങളും അശാസ്ത്രീയമായി നിർമിച്ച കെട്ടിടങ്ങളും കൂടാതെ പൊതുസ്ഥലം കൈയേറി നിർമിച്ച കെട്ടിടങ്ങളുമാണ് പൊളിച്ചുനീക്കുന്നത്. ഇതിന് പകരമായി ആധുനിക കെട്ടിടങ്ങൾ ഇവയ്ക്ക് പകരം ശാസ്്ത്രീയമായി നിർമിക്കും. ആഗോള നിലവാരത്തിലേക്ക് ജിദ്ദയെ മാറ്റാനാണ് ഈ നടപടി. കൂടാതെ റോഡ് വികസനത്തിന്റെ ഭാഗമായും കെട്ടിടങ്ങൾ പൊളിച്ചുനീക്കുന്നുണ്ട്. പൊളിച്ചു നീക്കുന്ന കെട്ടിടങ്ങൾക്കെല്ലാം ഉടമകൾക്ക് മാർക്കറ്റ് വിലയനുസരിച്ച് നഷ്ടപരിഹാരം നൽകുന്നുണ്ട്.
ന്യൂസ്‌റൂം വാർത്തകൾ ലഭിക്കാൻ +974 33450 593 വാട്സ്ആപ് നമ്പറിൽ സന്ദേശമയക്കുക
