January 20, 2020
January 20, 2020
കുവൈത്ത് : ഖത്തർ വിദേശകാര്യമന്ത്രിയും ഉപപ്രധാനമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൽറഹിമാൻ അൽതാനി കുവൈത്ത് അമീർ ഷെയ്ഖ് സബാഹ് അൽ അഹമദ് അൽ ജാബിർ അൽ സബാഹുമായി കൂടിക്കാഴ്ച നടത്തി. ബയാൻ കൊട്ടാരത്തിൽ നടന്ന കൂടിക്കാഴ്ചയിൽ ഖത്തർ അമീർ ഷെയ്ഖ് തമീം ബിൻ ഹമദ് അൽതാനിയുടെ സന്ദേശം അദ്ദേഹം കുവൈത്ത് അമീറിന് കൈമാറി. ഇരുരാജ്യങ്ങൾക്കുമിയിൽ പതിറ്റാണ്ടുകളായി നിലനിൽക്കുന്ന പരസ്പര ബന്ധവും മേഖലയിലെ പൊതുതാൽപര്യമുള്ള മറ്റു വിഷയങ്ങളുമാണ് കത്തിലെ ഉള്ളടക്കമെന്ന് കുവൈത്ത് ടൈംസ് പത്രം റിപ്പോർട്ട് ചെയ്തു. ഖത്തർ ജനതക്കും അമീറിനും ഷെയ്ഖ് സബാഹ് നന്മയും ആരോഗ്യവും നേർന്നു.
കുവൈത്ത് വിദേശകാര്യ മന്ത്രി ഡോ.അഹമ്മദ് നാസർ അൽ മുഹമ്മദ് അൽ സബാഹും കൂടിക്കാഴ്ചയിൽ സന്നിഹിതനായിരുന്നു. ഖത്തറും ചില അയൽരാജ്യങ്ങളും തമ്മിൽ അഭിപ്രായ ഭിന്നതകൾ നിലനിൽക്കുന്ന സാഹചര്യത്തിൽ ഖത്തർ വിദേശകാര്യ മന്ത്രിയുടെ കുവൈത്ത് സന്ദർശനത്തിന് ഏറെ പ്രാധാന്യമുണ്ട്.
