കുവൈത്ത് സിറ്റി : കുവൈത്ത് അമീർ ഷൈഖ് സബാഹ് അൽ അഹമദ് അൽ സബാഹിന്റെ ഖബറടക്കം നടക്കാനിരിക്കെ,ഗതാഗത നിയന്ത്രണം ഏർപ്പെടുത്തുന്നതിന്റെ ഭാഗമായി താഴെ പറയുന്ന റോഡുകൾ ഇന്ന് ഉച്ചക്ക് 2 മണി മുതൽ താൽക്കാലികമായി അടച്ചു. ആഭ്യന്തര മന്ത്രാലയമാണ് ഇക്കാര്യം അറിയിച്ചത്. ഇവ എപ്പോൾ തുറന്ന് പ്രവർത്തിക്കുമെന്ന് പിന്നീട് അറിയിക്കുമെന്നും മന്ത്രാലയം വ്യക്തമാക്കി.
- കിംഗ് ഫൈസൽ റോഡ് ( 50 നമ്പർ എക്സ്പ്രസ്സ് പാത) വിമാനതാവളം മുതൽ ഫിഫ്ത് റിംഗ് റോഡ് വരെയുള്ള ഇരു ദിശകളും.
- സബഹാൻ റോഡ് (51) കിംഗ് ഫൈസൽ റോഡ് വരെയുള്ള ഇരു ദിശകളും.
- ശൈഖ് സായിദ് റോഡ് ( ഫിഫ്ത് റിംഗ് എക്സ്പ്രസ്സ് പാത) ദമസ്കസ് സ്ട്രീറ്റ് മുതൽ മഖാബതീൻ സ്ട്രീറ്റ് വരെയുള്ള ഇരു ദിശകളും
- ദമസ്കസ് സ്റ്റ്രീറ്റ് ( 45നമ്പർ റോഡ്) സാദിഖ് , സലാം പ്രദേശങ്ങളുമായി ബന്ധിപ്പിക്കുന്ന ഇന്റർ സെക്ഷൻ മുതൽ ഫിഫ്ത് റിംഗ് റോഡു വരെയുള്ള ഇരു ദിശയിലേക്കുമുള്ള ഭാഗങ്ങൾ.
- ജഹറ റോഡ് ( 80 നമ്പർ എക്സ്പ്രസ്സ് പാത) യു.എൻ.ഇന്റർ സെക്ഷൻ മുതൽ ദോഹ ഇന്റർ സെക്ഷൻ വരെയുള്ള ഇരു ദിശയിലേക്കുമുള്ള ഭാഗങ്ങൾ.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന വാട്സ്ആപ് നമ്പറിലേക്ക് സന്ദേശമയക്കുക