July 06, 2020
July 06, 2020
കുവൈത്ത് സിറ്റി : കഴിഞ്ഞ 24 മണിക്കൂറിനിടെ കുവൈത്തിൽ 703 പേർക്ക് കൂടി കോവിഡ് സ്ഥിരീകരിച്ചതോടെ ആകെ രോഗം സ്ഥിരീകരിച്ചവരുടെ എണ്ണം 50,644 ആയി. 538 പേർക്കാണ് രോഗം ഭേദമായത്. രോഗമുക്തി നേടിയവരുടെ എണ്ണം 41,001 ആയി ഉയർന്നു. കോവിഡ് ചികിത്സയിലായിരുന്ന അഞ്ച് പേർ കൂടി ഇന്ന് മരണപ്പെട്ടു. ഇതോടെ കോവിഡ് മരണ സംഖ്യ 373 ആയി.
പുതിയ രോഗികളിൽ 463 പേർ കുവൈത്ത് പൗരന്മാരാണ്. ഫർവാനിയ ഗവർണറേറ്റ് പരിധിയിൽ താമസിക്കുന്ന 131 പേർക്കും ഹവല്ലി ഗവർണറേറ്റ് പരിധിയിൽ താമസിക്കുന്ന 115 പേർക്കും, അഹമ്മദിയിൽ നിന്നുള്ള 209 പേർക്കും, കാപിറ്റൽ ഗവർണറേറ്റിൽ 68 പേർക്കും ജഹറയിൽ നിന്നുള്ള 180 പേർക്കും ഇന്ന് കോവിഡ് സ്ഥിരീകരിച്ചു.
നിലവിൽ 9270 പേരാണ് ചികിത്സയിലുള്ളത്. ഇതിൽ 152 പേർ തീവ്ര പരിചരണവിഭാഗത്തിലാണ്. കഴിഞ്ഞ 24 മണിക്കൂറിനുള്ളിൽ 3351 പേരെ കോവിഡ് ടെസ്റ്റിന് വിധേയമാക്കി. രാജ്യത്ത് ഇതുവരെ 409335 കോവിഡ് പരിശോധനകൾ നടത്തിയതായും ആരോഗ്യമന്ത്രാലയം അറിയിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
