November 19, 2021
November 19, 2021
ജിദ്ദ : മാധ്യമപ്രവർത്തകനും എഴുത്തുകാരനുമായ കെയു ഇഖ്ബാൽ അന്തരിച്ചു. 58 വയസായിരുന്നു. ജിദ്ദയിലെ കിങ് ഫഹദ് ആശുപത്രിയിൽ ചികിത്സയിൽ ഇരിക്കെയാണ് മരണം. ഏതാനും ദിവസങ്ങളായി അസുഖബാധിതനായിരുന്നു. റിയാദിൽ മാധ്യമപ്രവർത്തകനായിരുന്ന ഇഖ്ബാൽ ആനുകാലികങ്ങളിൽ നിരവധി കുറിപ്പുകൾ എഴുതിയിട്ടുണ്ട്. ഗൾഫ് പശ്ചാത്തലമാക്കി ഒരുക്കിയ ഗദ്ദാമ എന്ന സിനിമയുടെ കഥ രചിച്ചതും ഇഖ്ബാലാണ്. കൊടുങ്ങല്ലൂർ സ്വദേശിയായ ഇഖ്ബാൽ, പരേതനായ പോസ്റ്റ് മാസ്റ്റർ ഉമ്മർ കുട്ടിയുടെ മകനാണ്.
ഭാര്യ : റസീന
മക്കൾ : മുഹമ്മദ് നയീം(കോഴിക്കോട് മെഡിക്കൽ കോളേജ് വിദ്യാർത്ഥി), മുഹമ്മദ് അസദ് (ഡൽഹി യൂണിവേഴ്സിറ്റി വിദ്യാർത്ഥി)