July 05, 2020
July 05, 2020
ദോഹ : ഖത്തറിൽ നിന്ന് നാട്ടിലെത്തി ക്വാറന്റയിനിൽ കഴിയുകയായിരുന്ന കോഴിക്കോട് വളയം സ്വദേശി നാട്ടിൽ കുഴഞ്ഞുവീണ് മരിച്ചു. കുളങ്ങരത്ത് അബ്ദുൽ കരീമാണ് മരിച്ചത്.54 വയസ്സായിരുന്നു.പന്ത്രണ്ട് ദിവസം മുമ്പാണ് ദോഹയിൽ നിന്നും നാട്ടിൽ തിരിച്ചെത്തിയത്.ദോഹയിൽ സ്വന്തമായി ബിസിനസ് നടത്തിവരികയായിരുന്നു.
വീടിന്റെ മുകൾ നിലയിൽ ക്വാറന്റയിനിലായിരുന്നു ഇദ്ദേഹം ശനിയാഴ്ച രാത്രിയാണ് മുറിയിൽ കുഴഞ്ഞു വീണത് . ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.മരണശേഷം നടത്തിയ സ്രവപരിശോധനയിൽ കോവിഡ് നെഗറ്റിവാണെന്ന് കണ്ടെത്തിയിട്ടുണ്ട്. .
ആയിഷയാണ് ഭാര്യ. മക്കൾ: സിദ്ധീക്ക്, ആശിഖ് , റയീസ്, സീനത്ത്, നജഫാത്തിമ
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക