October 08, 2021
October 08, 2021
മലപ്പുറം : മുസ്‌ലിം ലീഗിന്റെ ഏറ്റവും പ്രധാനപ്പെട്ട പോഷകസംഘടനയായ കെഎംസിസി ഭരണഘടനയിൽ കാതലായ മാറ്റങ്ങൾ വരുത്താൻ ഒരുങ്ങുന്നു. പ്രവർത്തനങ്ങളെ സംഘടനാപരമായി ഏകോപിപ്പിക്കുന്നതിനാണ് ഈ നീക്കം. പാർട്ടിയുടെ സംസ്ഥാന പ്രവർത്തക സമിതി അംഗീകരിച്ച നയരേഖയിലാണ് ഭേദഗതിയെ പറ്റിയുള്ള പരാമർശം ഉള്ളത്.
കെഎംസിസി കമ്മിറ്റികൾ തുടരെ അച്ചടലംഘനം നടത്തുന്നത് ശ്രദ്ധയിൽ പെട്ടതിനെ തുടർന്നാണ് ഈ നീക്കം. ഭാരവാഹികളെ തിരഞ്ഞെടുക്കുന്നത് സംഘടന ചുമതല ഉള്ളവരോ, പാർട്ടി നേതൃത്വമോ അറിയാതെ ആണെന്നും അണികൾക്കിടയിൽ ആരോപണമുണ്ട്. ഇത്തരം ആരോപണങ്ങൾക്ക് ഇടകൊടുക്കാത്ത വിധത്തിൽ പാർട്ടിയെ ശക്തിപ്പെടുത്താനും, ജീവകാരുണ്യപ്രവർത്തനങ്ങളിലെ പങ്കാളിത്തത്തിലൂടെ ലോകജനശ്രദ്ധ പിടിച്ചു പറ്റിയ സംഘടനയുടെ സൽപ്പേര് സംരക്ഷിക്കാനുമാണ് ഭരണഘടന പൊളിച്ചെഴുതുന്നത്.
