December 27, 2021
December 27, 2021
തിരുവനന്തപുരം : കോവിഡിന്റെ ഒമിക്രോൺ വകഭേദത്തിന്റെ വ്യാപനം കണക്കിലെടുത്ത് കേരളത്തിൽ രാത്രികാല നിയന്ത്രണങ്ങൾ ഏർപ്പെടുത്തി. വ്യാഴാഴ്ച്ച (ഡിസംബർ 30 )മുതൽ ഞായർ (ജനുവരി 2) വരെയുള്ള നാല് ദിവസങ്ങളിലാണ് രാത്രികാലനിയന്ത്രണം.
പുതുവത്സരദിനം അനുബന്ധിച്ച് കൂടുതൽ ആളുകൾ ഒത്തുചേരുന്നത് ഒഴിവാക്കാനാണ് നടപടി എന്ന് അധികൃതർ വിശദീകരിച്ചു. രാത്രി 10 മണി മുതൽ ആളുകൾ കൂടി നിൽക്കാനോ, കടകൾ തുറന്ന് പ്രവർത്തിപ്പിക്കാനോ പാടില്ല. ഡിസംബർ 2 ന് ശേഷം, ആവശ്യമെങ്കിൽ നിരോധനം തുടരും എന്ന സൂചനയും അധികൃതർ നൽകി. നേരത്തെ കർണാടകയും രാത്രികാലകർഫ്യൂ പ്രഖ്യാപിച്ചിരുന്നു.