November 24, 2021
November 24, 2021
ജിദ്ദ : മലപ്പുറം സ്വദേശി സൗദിയിൽ ഹൃദയാഘാതം മൂലം മരിച്ചു. കൊണ്ടോട്ടി കാരിമുക്ക് ചോലൻകുത്ത് കാരി കുട്ടിമോൻ എന്ന അബ്ദുൾ റസാഖാണ് അന്തരിച്ചത്. 55 വയസ്സായിരുന്നു. പരേതനായ അലവി ഹാജിയുടെയും ബിയ്യാത്തൂട്ടിയുടെയും മകനാണ്.
ജിദ്ദ ഖുവൈസയിലെ താമസസ്ഥലത്ത് വെച്ചാണ് ഹൃദയാഘാതം സംഭവിച്ചത്. തുടർന്ന് ഇദ്ദേഹത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. സൂപ്പർമാർക്കറ്റിൽ ജോലിചെയ്തു വരികയായിരുന്ന അബ്ദുൾ റസാഖ് അടുത്ത മാസം നാട്ടിൽ പോവാൻ ഇരിക്കുകയായിരുന്നു.
ഭാര്യ: സക്കീന
മക്കള്‍: സബ്‌ന ആസ്മി, ഫര്‍സാന ജാസ്മിന്‍, സുല്‍ത്താന യാസ്മിന്‍, ഷംന തസ്‌നി, ഷാനിബ മുംതാസ്
മരുമക്കൾ: ഷബീബ്, മുഹമ്മദ് അദ്‌നാന്‍
