January 01, 2022
January 01, 2022
റിയാദ് : സൗദിയിൽ നിന്നും അവധിക്ക് നാട്ടിലെത്തിയ യുവാവ് ബൈക്ക് അപകടത്തിൽ മരണമടഞ്ഞു. എറണാകുളം ജില്ലയിലെ കോതമംഗലം കോഴിപ്പിള്ളി സ്വദേശി ജൂണോ കുര്യാക്കോസ് (35) ആണ് മരിച്ചത്. യാംബു അൽ അൻസാരി സ്പെഷ്യലിസ്റ്റ് ആശുപത്രിയിൽ നേഴ്സ് ആയിരുന്ന ജൂണോ, രണ്ടാഴ്ച മുൻപാണ് നാട്ടിലെത്തിയത്.
ഡിസംബർ 24 നാണ് ജൂണോ ഓടിച്ചിരുന്ന ബൈക്ക് അപകടത്തിൽ പെട്ടത്. തുടർന്ന്, കൊച്ചിയിലെ സ്വകാര്യ ആശുപത്രിയിൽ തീവ്ര പരിചരണവിഭാഗത്തിൽ ചികിത്സയിൽ കഴിയവേ, വെള്ളിയാഴ്ച രാവിലെയായിരുന്നു മരണം. ജൂണോ ജോലി ചെയ്തിരുന്ന അതേ ആശുപത്രിയിൽ ജീവനക്കാരിയായിരുന്ന ഭാര്യ അനിത, ഒക്ടോബറിൽ പ്രസവാവധിക്കായി നാട്ടിലേക്ക് മടങ്ങിയിരുന്നു. അടുത്തമാസം ഒരുമിച്ച് യാംബുവിലേക്ക് മടങ്ങാനുള്ള തയ്യാറെടുപ്പിലായിരുന്നു കുടുംബം. നവോദയ ആർ.സി യൂണിറ്റ് പ്രവർത്തകൻ കൂടിയായിരുന്നു ജൂണോ.
പിതാവ് - കുര്യാക്കോസ്
മാതാവ് - കുഞ്ഞുമോൾ
മക്കൾ - ഇമ്മാനുവൽ ജൂണോ, ബേസിൽ ജൂണോ
സഹോദരി - ജീത്തു കുര്യോക്കോസ്