November 06, 2021
November 06, 2021
റിയാദ് : എറണാകുളം ജില്ലയിലെ പെരുമ്പാവൂർ സ്വദേശിയായ യുവാവ് റിയാദിലെ ബദിയയിൽ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് നിര്യാതനായി. മുടിക്കൽ സ്വദേശി കുറുപ്പശ്ശേരി ഷാജഹാന്റെ മകൻ ബാസിൽ ഷാജഹാൻ ആണ് മരണപ്പെട്ടത്. 24 വയസായിരുന്നു.
കഴിഞ്ഞ മൂന്ന് വർഷമായി ബദിയയിൽ ഡ്രൈവറായി ജോലി ചെയ്ത് വരികയായിരുന്നു. രാത്രി ജോലി കഴിഞ്ഞ് റൂമിലെത്തിയ ബാസിലിന് പുലർച്ചെ ദേഹാസ്വാസ്ഥ്യം അനുഭവപ്പെടുകയായിരുന്നു. മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പൂർത്തിയാക്കുമെന്ന് പെരുമ്പാവൂർ പ്രവാസി അസോസിയേഷൻ പ്രവർത്തകർ അറിയിച്ചു.
മാതാവ് : സീനത്ത്
സഹോദരൻ :മുഹമ്മദ്