March 31, 2022
March 31, 2022
ജിദ്ദ : സൗദിയിലെ സാമൂഹ്യപ്രവർത്തനങ്ങളിൽ നിറസാന്നിധ്യമായിരുന്ന മലയാളി മരണപ്പെട്ടു. മലപ്പുറം ജില്ലയിലെ തിരൂരങ്ങാടി ചെമ്മാട് കല്ലൂപ്പറമ്പിൽ ഹുസൈൻ ആണ് നിര്യാതനായത്. 55 വയസായിരുന്നു. ഹൃദയാഘാതമാണ് മരണകാരണം. ജിദ്ദ ഒ.ഐ.സി.സി തിരൂരങ്ങാടി മണ്ഡലം പ്രസിഡന്റായ ഹുസൈൻ, കഴിഞ്ഞ 30 വർഷങ്ങളായി സൗദിയിലായിരുന്നു.
വാൻ സെയിൽസ്മാനായി ജോലി ചെയ്തിരുന്ന ഹുസൈൻ, പരേതനായ കല്ലൂപ്പറമ്പിൽ മുഹമ്മദിന്റെ മകനാണ്. ഒ.ഐ.സി.സി സൗദി നാഷണൽ കമ്മിറ്റി ജനറൽ സെക്രട്ടറി സിദ്ദീഖ് സഹോദരനാണ്. നടപടിക്രമങ്ങൾ പൂർത്തിയാക്കാനായി സിദ്ദിഖ് ജിദ്ദയിൽ എത്തിയിട്ടുണ്ട്. മൃതദേഹം മക്കയിൽ ഖബറടക്കുമെന്ന് ബന്ധുക്കൾ അറിയിച്ചു.
ഭാര്യ : ആരിഫ
മക്കൾ : ആഫിയ, അൻസിലത്ത്, ഹുസ്ന നസ്രിൻ, മുഹമ്മദ്‌ ഇബ്രാഹിം, മുഹമ്മദ്‌ സയാൻ
