March 17, 2022
March 17, 2022
റിയാദ് : മാനസിക പ്രശ്നങ്ങളെ തുടർന്ന് ദമാമിൽ ചികിത്സയിലായിരുന്ന മലയാളി യുവാവ് തൂങ്ങി മരിച്ച നിലയിൽ. ആലപ്പുഴ ജില്ലയിലെ നൂറനാട് സ്വദേശിയായ 'കാർത്തിക'യിൽ അഖിൽ ശിവപ്രസാദിനെയാണ് മരിച്ചനിലയിൽ കണ്ടെത്തിയത്. 27 വയസായിരുന്നു.
3 മാസം മുൻപ് ജോലി അന്വേഷിച്ച് സൗദിയിൽ എത്തിയ അഖിൽ, ജോലി ലഭിക്കാഞ്ഞതോടെ കടുത്ത മാനസിക സമ്മർദത്തിൽ ആയിരുന്നു. പെരുമാറ്റത്തിൽ അസ്വാഭാവികത കലർന്നതോടെ സുഹൃത്തുക്കൾ ചേർന്ന് അഖിലിനെ കിങ് ഫഹദ് സ്പെഷ്യാലിറ്റി ആശുപത്രിയിൽ എത്തിച്ചു. ഇവിടെ നിന്നും ദമാമിലെ അൽ അമൽ മാനസിക ആരോഗ്യ കേന്ദ്രത്തിലെത്തിയ അഖിൽ, അൽ അമലിൽ വെച്ചാണ് മരണമടഞ്ഞത്. അവിവാഹിതനാണ്. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലെത്തിച്ച് സംസ്കരിക്കും.
പിതാവ് - ശിവദാസൻ
മാതാവ് - സുജ
സഹോദരൻ - അമൽ
