March 22, 2022
March 22, 2022
റിയാദ് : ഭക്ഷണം കഴിക്കുന്നതിനിടെ വാഹനമിടിച്ച് തൃശൂർ സ്വദേശി മരിച്ചു. ദക്ഷിണസൗദിയിലെ നജ്റാനിൽ നടന്ന അപകടത്തിൽ, ഇരിങ്ങാലക്കുട സ്വദേശിയായ പെരിങ്ങോട്ട് വേലായുധന്റെ മകൻ രാജേഷാണ് മരിച്ചത്. 42 വയസായിരുന്നു.
ഞായറാഴ്ച്ച രാവിലെ ജോലിസ്ഥലത്ത് പ്രാതൽ കഴിച്ചുകൊണ്ടിരിക്കെയാണ് സ്വദേശി പൗരൻ ഓടിച്ച വാഹനം രാജേഷിനെ ഇടിച്ചത്. അപകടമുണ്ടായ ഉടനെ ദഹ്റാൻ ജനൂബ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മെക്കാനിക്ക്, ഡ്രൈവർ എന്നീ ജോലികളിലായി കഴിഞ്ഞ 15 വർഷമായി സൗദിയിലായിരുന്ന രാജേഷ്, അസീർ പ്രവാസി സംഘം ദഹ്റാൻ ജനൂബ് യൂണിറ്റിൽ അംഗമായിരുന്നു.
ഭാര്യ : രമ്യ
മകൻ : അദ്വൈദ്