March 14, 2020
March 14, 2020
ദോഹ : കൊറോണാ വ്യാപനം തടയുന്നതിന്റെ ഭാഗമായി കത്താറയിൽ പ്രവർത്തിക്കുന്ന റസ്റ്റോറന്റുകൾ,കഫേകൾ,ആർട് ഗാലറികൾ എന്നിവ നാളെ മുതൽ അടച്ചിടും. ഹെൽത്ത് ക്ലബ്ബിലും കത്താറാ ബീച്ചിലും പ്രവേശനം അനുവദിക്കില്ല.കത്താറ ട്വിറ്റർ അക്കൗണ്ടിലാണ് ഇക്കാര്യം അറിയിച്ചത്.
ഇതിനിടെ,ഹമദ് ആശുപത്രിയിൽ സന്ദർശകർക്ക് നിയന്ത്രണങ്ങൾ ഏർപ്പെടുത്തിയതായി അധികൃതർ അറിയിച്ചു. രോഗികളെ കിടത്തി ചികിൽസിക്കുന്ന മുറികളിൽ സന്ദർശകരെ പരിമിതപ്പെടുത്തും. ഏറ്റവും അടുത്ത ബന്ധുക്കളെ മാത്രമേ ഒരേ സമയം ഇനി മുതൽ മുറികളിൽ പ്രവേശിപ്പിക്കുകയുള്ളൂ. ഇവർ പതിനഞ്ചു മിനുട്ടിൽ കൂടുതൽ സമയം മുറികളിൽ തങ്ങരുത്.ഇനായ സ്പെഷ്യലൈസ്ഡ് കെയർ സെന്റർ ഉൾപെടെ ഹമദിന് കീഴിലുള്ള എല്ലാ ആശുപത്രികളിലും ഇത് ബാധകമാണ്.രോഗികളുടെ ബന്ധുക്കൾ പുതിയ തീരുമാനവുമായി സഹകരിക്കണമെന്നും അധികൃതർ ആവശ്യപ്പെട്ടു
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.