January 05, 2020
January 05, 2020
തെഹ്റാൻ : അമേരിക്കക്കെതിരെ ഇറാൻ സൈബർ ലോകത്ത് പ്രതികാര നടപടികള്ക്ക് തുടക്കമിട്ടു. അമേരിക്കന് ഗവണ്മെന്റ് ഏജന്സിയുടെ വെബ്സൈറ്റ് ഇറാന് ഹാക്ക് ചെയ്തതായാണ് വിവരം. തങ്ങള് ഇറാനില് നിന്നുള്ള സൈബര് സെക്യൂരിറ്റി ഗ്രൂപ്പ് ഹാക്കര്മാരാണെന്നും ഖസം സുലൈമാനിയെ കൊന്ന അമേരിക്കയുടെ നടപടിക്ക് ഞങ്ങള് പകരം ചോദിച്ചിരിക്കും എന്നും അവര് പറയുന്നു.അമേരിക്കയുടെ ഫെഡറല് ഡെപ്പോസിറ്ററി ലൈബ്രറി പ്രോഗ്രാമിന്റെ വെബ്സൈറ്റാണ് ഹാക്ക് ചെയ്തത്. പേജിന് ഇറാനിയന് ഹാക്കേഴ്സ് എന്ന് പേരു നല്കി. അതോടൊപ്പം ഇറാനിലെ പരമോന്നത നേതാവ് ആയത്തുല്ല ഖുമൈനിയുടെ ഫോട്ടോയും ഇറാന് പതാകയും ചേര്ത്തുവെച്ചിട്ടുണ്ട്.
ഇനിയങ്ങോട്ടുള്ള വര്ഷങ്ങളില് അമേരിക്ക അതിന്റെ ക്രിമിനല് നടപടിയുടെ പ്രത്യാഘാതം അനുഭവിച്ചുകൊണ്ടിരിക്കുമെന്ന് ഇറാന് പ്രസിഡന്റ് ഹസന് റുഹാനിയും പ്രതികാരം ചെയ്യുമെന്ന് ഇറാന് പരമോന്നത നേതാവ് അയത്തുള്ള ഖാംനഇയും പ്രഖ്യാപിച്ചിരുന്നു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ഒരു ഗ്രൂപ്പിലും അംഗങ്ങളായി ചേരാത്തവർ +974 66200 167 എന്ന വാട്സ്ആപ് നമ്പറിൽ വിവരം അറിയിക്കുക.