October 13, 2021
October 13, 2021
ലോകകപ്പിന് മുന്നോടിയായുള്ള സൗഹൃദമത്സരത്തിൽ ഖത്തറിന് ദയനീയപരാജയം. അയർലണ്ടിനോട് ഏറ്റുമുട്ടിയ ടീം എതിരില്ലാത്ത നാല് ഗോളുകളുടെ തോൽവിയാണ് വഴങ്ങിയത്. വെസ്റ്റ് ബ്രോം താരം റോബിൻസൺ അയർലണ്ടിനായി ഹാട്രിക്ക് നേടിയപ്പോൾ, ഷെയ്ൻ ഡഫിയുടെ വകയായിരുന്നു നാലാം ഗോൾ.
അതേസമയം, ലോകകപ്പ് യോഗ്യതാ മത്സരത്തിന് ബൂട്ടുകെട്ടിയ ഒമാൻ തകർപ്പൻ ജയം നേടി. വിയറ്റ്നാമിനെ ഒന്നിനെതിരെ മൂന്ന് ഗോളുകൾക്കാണ് ഒമാൻ തകർത്തത്. മറ്റ് മത്സരങ്ങളിൽ യുഎഇ ഇറാഖിനെ സമനിലയിൽ തളച്ചപ്പോൾ, സൗദി ചൈനയെ തോൽപിച്ചു. ആവേശമേറിയ മത്സരത്തിനൊടുവിൽ രണ്ടിനെതിരെ മൂന്ന് ഗോളുകൾക്കാണ് സൗദി ചൈനയെ മറികടന്നത്.