January 26, 2021
January 26, 2021
ദോഹ : 72-മത് റിപ്പബ്ലിക് ദിനം ആഘോഷിക്കുന്ന ഇന്ത്യക്ക് ഖത്തർ അമീർ ശൈഖ് തമീം ബിൻ ഹമദ് അൽതാനി ആശകൾ അറിയിച്ചു.രാഷ്‌ട്രപതി രാംനാഥ്‌ കോവിന്ദിന് അയച്ച കേബിൾ സന്ദേശത്തിലാണ് ആശംസകൾ അറിയിച്ചത്.
വിവിധ ഗൾഫ് രാജ്യങ്ങളിലെ ഭരണാധികാരികൾ ഇന്ത്യക്ക് ആശംസകൾ അറിയിച്ചിട്ടുണ്ട്.ഒമാന്‍ ഭരണാധികാരി സുല്‍ത്വാന്‍ ഹൈതം ബിന്‍ ത്വാരിഖ്, ഇന്ത്യന്‍ പ്രസിഡന്റ് രാം നാഥ് കോവിന്ദിനെ റിപബ്ലിക് ദിനാശംസകള്‍ അറിയിച്ചു. രാഷ്ട്രപതിക്ക് ആരോഗ്യവും സന്തോഷവും നേര്‍ന്ന ഒമാന്‍ ഭരണാധികാരി, ഇന്ത്യയിലെ ജനങ്ങള്‍ക്ക് കൂടുതല്‍ പുരോഗതിയും വികസനവുമുണ്ടാകട്ടെയെന്നും സന്ദേശത്തില്‍ ആശംസിച്ചു.
സൗദി ഭരണാധികാരി സല്‍മാന്‍ രാജാവും കിരീടാവകാശിയും, ഉപപ്രധാനമന്ത്രിയും, പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരനും ഇന്ത്യക്കാര്‍ക്ക് റിപ്പബ്ലിക് ദിനാശംസകള്‍ നേര്‍ന്നു.
ആശംസകള്‍ നേര്‍ന്ന് ഇരുവരും ഇന്ത്യന്‍ പ്രസിഡണ്ട്‌ രാംനാഥ്‌ കോവിന്ദിന് സന്ദേശം അയച്ചു. രാഷ്ട്രപതിക്ക് ആയുരാരോഗ്യം നേര്‍ന്ന സല്‍മാന്‍ രാജാവ് ഇന്ത്യക്കാര്‍ക്ക് കൂടുതല്‍ അഭിവൃദ്ധിയും ഐശ്വര്യവും കൈവരട്ടെയെന്ന് ആശംസിച്ചു.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
