November 25, 2020
November 25, 2020
ദോഹ: അടിയന്തരമായ പാസ്പോര്ട്ട് അറ്റസ്റ്റേഷന് സേവനങ്ങള്ക്കായി ഖത്തറിലെ ഇന്ത്യന് എംബസി പ്രത്യേക ക്യാമ്പ് നടത്തും. ഏഷ്യന് ടൗണില് വച്ച് നവംബര് 27 നാണ് ക്യാമ്പ് നടക്കുക. രാവിലെ 10 മണി മുതല് 12 മണി വരെയാണ് ക്യാമ്പ്. ഏഷ്യന് ടൗണില് താമസിക്കുന്ന ഇന്ത്യന് തൊഴിലാളികള്ക്ക് വേണ്ടിയാണ് ക്യാമ്പ്.
ഏഷ്യന് ടൗണിലുള്ള ഗ്രാന്റ് മാളിലെ ഗേറ്റ് നമ്പര് എട്ടിലുള്ള ആംഫി തിയേറ്റര് ടിക്കറ്റ് കൗണ്ടറിലാണ് പ്രത്യേക കോണ്സുലാര് ക്യാമ്പ് നടത്തുകയെന്ന് ഇന്ത്യന് എംബസി അറിയിച്ചു. ഓണ്ലൈന് ഫോമുകള് പൂരിപ്പിക്കേണ്ടവരെ സഹായിക്കാനായി രാവിലെ എട്ടുമണി മുതല് ഇവിടെ ഒരു സംഘം ഉണ്ടാകും.
കോണ്സുലാര് ക്യാമ്പില് എത്തുന്നവര് കൊവിഡ് പ്രോട്ടോക്കോള് കൃത്യമായി പാലിക്കണമെന്ന് ഇന്ത്യന് എംബസി അഭ്യര്ത്ഥിച്ചു. കഴിഞ്ഞയാഴ്ച എംബസി നടത്തിയ സമാനമായ ക്യാമ്പില് 400 ഓളം അപേക്ഷകര്ക്ക് അടിയന്തര അറ്റസ്റ്റേഷന് സേവനം നല്കിയിരുന്നു.
പാസ്പോര്ട്ട്, പി.സി.സി, കോണ്സുലാര് അറ്റസ്റ്റേഷന് സേവനങ്ങള് എന്നിവയ്ക്കായി അടുത്തിടെ ഇന്ത്യന് എംബസി ഓണ്ലൈന് എമര്ജന്സി അപ്പോയിന്റ്മെന്റ് സംവിധാനം അവതരിപ്പിച്ചിരുന്നു.
ന്യൂസ്റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക.
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.