November 11, 2019
November 11, 2019
ദോഹ : ഇന്ത്യന്‍ കള്‍ച്ചറല്‍ സെന്ററുമായി(ഐ.സി.സി) ചേര്‍ന്ന് ഇന്ത്യന്‍ എംബസി ഇന്ത്യന്‍ കമ്മ്യൂണിറ്റി ഫെസ്റ്റിവല്‍ സംഘടിപ്പിക്കുന്നു. 'പാസേജ് ടു ഇന്ത്യ' എന്ന പേരിലുള്ള ഫെസ്റ്റിവലിന് മ്യൂസിയം ഓഫ് ഇസ്ലാമിക് ആര്‍ട്(എം.ഐ.എ) പാര്‍ക്കാണു വേദിയാകുന്നത്. ഡിസംബര്‍ 12ന് ആരംഭിക്കുന്ന ഒരു മാസം നീണ്ടുനില്‍ക്കുന്ന ഇന്ത്യ മാര്‍ക്കറ്റിനോടനുബന്ധിച്ചാണ് മൂന്നു ദിവസത്തെ കമ്മ്യൂണിറ്റി ഫെസ്റ്റിവല്‍ നടക്കുക.ഇന്ത്യയുടെ വിവിധ സംസ്ഥാനങ്ങളിൽ നിന്നുള്ള കാലാ സാംസ്കാരിക പരിപാടികൾ ഫെസ്റ്റിവലിൽ അരങ്ങേറും. ഖത്തര്‍-ഇന്ത്യ സാംസ്കാരിക വര്‍ഷത്തിന്റെ ഭാഗമായാണു പരിപാടി സംഘടിപ്പിക്കുന്നത്. സീഷോര്‍ ഗ്രൂപ്പാണ് കമ്മ്യൂണിറ്റി ഫെസ്റ്റിവലിന്റെ പ്രധാന സ്പോൺസർ.
ഇന്ത്യന്‍ എംബസിയിലെ സാംസ്കാരിക, വിദ്യാഭ്യാസ ഫസ്റ്റ് സെക്രട്ടറി ഹേമന്ത് കുമാര്‍ ദ്വിവേതി, എം.ഐ.എ ഡെപ്യൂട്ടി ഡയരക്ടര്‍ സാലിം അബ്ദുല്‍ അല്‍അസ്‌വദ്, എം.ഐ.എ അക്കാഡമിക് പ്രോഗ്രാംസ് മേധാവി സാറാ ടോസ് എന്നിവര്‍ പങ്കെടുത്ത യോഗത്തിലാണ് കഴിഞ്ഞ ദിവസം ഇത് സംബന്ധിച്ച അന്തിമ ധാരണയിൽ എത്തിയത്. ഐ.സി.സി പ്രസിഡന്റ് മണികണ്ഠന്‍ എ.പി, ജനറല്‍ സെക്രട്ടറി സീനു പിള്ള, കള്‍ച്ചറല്‍ കോ-ഓഡിനേറ്റര്‍ നിര്‍മല ഷണ്‍മുഖ പാണ്ഡ്യന്‍ എന്നിവരും യോഗത്തില്‍ സംബന്ധിച്ചു.
