May 22, 2020
May 22, 2020
ദോഹ : കോവിഡിന്റെ പശ്ചാത്തലത്തിൽ നാട്ടിൽ കുടുങ്ങിയവരെ ദോഹയിലെത്തിക്കാൻ ഇൻഡിഗോ എയർ കേരളത്തിൽ നിന്നുള്ള വിമാനടിക്കറ്റുകൾ നൽകിത്തുടങ്ങി. ജൂൺ ഒന്ന് മുതലുള്ള സർവീസുകൾക്ക് ബുക്ക് ചെയ്ത പലർക്കും ജൂൺ പതിനേഴ് മുതലുള്ള തിയ്യതികളിലേക്കാണ് ഇപ്പോൾ സ്ഥിരീകരിച്ച ടിക്കറ്റുകൾ നൽകുന്നത്.
ജൂൺ ഒന്ന് മുതൽ കേരളത്തിൽ നിന്നും ഇൻഡിഗോ സർവീസ് തുടങ്ങുമെന്ന തരത്തിലുള്ള അഭ്യൂഹങ്ങൾക്ക് ഇതോടെ അവസാനമാകും.അതേസമയം,ജൂണിൽ തന്നെ സർവീസ് തുടങ്ങാൻ കഴിയുമോ എന്ന കാര്യത്തിൽ ഇപ്പോഴും അനിശ്ചിതത്വം തുടരുകയാണ്.ടിക്കറ്റ് ബുക്കിങ്ങും വിതരണവും തുടങ്ങിയിട്ടുണ്ടെങ്കിലും ഇന്ത്യയിൽ കേന്ദ്ര വ്യോമയാന മന്ത്രാലയത്തിന്റെയും ഖത്തറിലെ ബന്ധപ്പെട്ട അധികൃതരുടെയും അനുമതി ലഭിച്ചാൽ മാത്രമേ സർവീസുകൾ പുനരാരംഭിക്കാൻ കഴിയൂ.ഇതിനിടെ,ഗൾഫിലുള്ള വിദേശ ഇന്ത്യക്കാരെ തിരിച്ചെത്തിക്കാനുള്ള വന്ദേഭാരത് മിഷനിൽ ദോഹയിൽ നിന്ന് ഉൾപ്പെടെ സർവീസ് നടത്താൻ ഇൻഡിഗോ എയർലൈൻസിന് കേന്ദ്രവ്യോമയാന മന്ത്രാലയം അനുമതി നൽകിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
