December 26, 2021
December 26, 2021
റിയാദ് : ക്രിസ്മസ് ആഘോഷങ്ങളുടെ ഭാഗമായി രാജ്യത്തേക്ക് ക്രിസ്മസ് ട്രീ ഇറക്കുമതി ചെയ്യാൻ പാടില്ലെന്ന് സൗദി ഭരണകൂടം. സക്കാത്ത്, ടാക്സ് ആൻഡ് കസ്റ്റംസ് അതോറിറ്റിയാണ് ട്വിറ്ററിലൂടെ ഇക്കാര്യം അറിയിച്ചത്. ഇസ്ലാം ഒഴികെയുള്ള ഇതര മതങ്ങളുടെ അടയാളങ്ങളും മതചിഹ്നങ്ങളും ഇറക്കുമതി ചെയ്യാൻ കഴിയില്ലെന്നും അതോറിറ്റി വിശദീകരിച്ചു. ക്രിസ്മസ് ട്രീ ഇറക്കുമതി ചെയ്യാനുള്ള സാദ്ധ്യതകൾ ആരാഞ്ഞുകൊണ്ട് ഒരു ട്വിറ്റർ ഉപഭോക്താവ് ഉന്നയിച്ച സംശയത്തിന് മറുപടി ആയാണ് അതോറിറ്റി നിലപാട് വ്യക്തമാക്കിയത്.