March 20, 2022
March 20, 2022
റിയാദ് : സൗദി അറേബ്യക്ക് നേരെ വീണ്ടും ആക്രമണമഴിച്ചുവിട്ട് ഹൂതി വിമതർ. രാജ്യത്തെ ഇന്ധനശാലകളെ ലക്ഷ്യമാക്കിയാണ് ഇത്തവണയും ആക്രമണമുണ്ടായത്. ജിസാനിലെ അരാംകോ എണ്ണക്കമ്പനിയുടെ ശാഖയിലും, ദർഹ്രാൻ അൽ ജനൂബ് പവർ സ്റ്റേഷനിലും, അൽ ഷഫീഖ് ഡീസലൈസേഷൻ പ്ലാന്റിലും ആക്രമണമുണ്ടായി. അതേസമയം, സംഭവത്തിൽ ആർക്കും പരിക്കോ മറ്റ് അത്യാഹിതങ്ങളോ റിപ്പോർട്ട് ചെയ്യപ്പെട്ടിട്ടില്ല.
സ്‌ഫോടകവസ്തുക്കൾ നിറച്ച ഡ്രോണുകളും മിസൈലുകളും നശിപ്പിച്ചതായി സൗദി സഖ്യസേന അറിയിച്ചു. ഇതാദ്യമായല്ല അപകടസാധ്യത കൂടുതലുള്ള, ഇന്ധനശാലകളെ ഹൂതികൾ ലക്ഷ്യം വെക്കുന്നത്. മാർച്ച് 10 ന് റിയാദിലെ എണ്ണ ശുദ്ധീകരണ ശാലയ്ക്ക് നേരെയും സമാനമായ ആക്രമണം ഉണ്ടായിരുന്നു. ചർച്ചകളിലൂടെ യമൻ പ്രശ്നം പരിഹരിക്കാനുള്ള ജി.സി.സി.യുടെ പരിശ്രമങ്ങളുമായി സഹകരിക്കില്ലെന്ന് ഹൂതികൾ നേരത്തെ വ്യക്തമാക്കിയിരുന്നു. പിന്നാലെയാണ് ആക്രമണം നടന്നത്.
