August 28, 2019
August 28, 2019
ദുബായ് : ഗോകുലം ഗോപാലന്റെ മകന് ബൈജു ഗോപാലന് യുഎഇയില് അറസ്റ്റില്.
ചെക്ക് കേസിലാണ് ബൈജു ഗോപാലന് അറസ്റ്റിലായിരിക്കുന്നത്. അല് ഐനിലെ ജയിലിലാണ് ബൈജു. 20 മില്യന് ദിര്ഹത്തിന്റെതാണ് ചെക്ക് കേസ്. തമിഴ്നാട് സ്വദേശിയായ രമണിയുടെ പരാതിയിലാണ് അറസ്റ്റ്.
ഒമാനില് വച്ചാണ് ബൈജു അറസ്റ്റിലായത്. തുടര്ന്ന് യുഎഇക്ക് കൈമാറുകയായിരുന്നു.ഒരു കാലത്ത് എസ്.എൻ.ഡി.പി യോഗത്തിന്റെ സജീവ പ്രവർത്തകനായിരുന്ന ഗോകുലം ഗോപാലൻ പിന്നീട് വെള്ളാപ്പള്ളി നടേശനുമായി തെറ്റിപ്പിരിഞ്ഞു പാർട്ടി വിടുകയായിരുന്നു.ഗോപാലന്റെ രണ്ടു മക്കളിൽ ഒരാളായ ശബരീഷ് 2008 ൽ അങ്കമാലിയിലുണ്ടായ വാഹനാപകടത്തിൽ മരണപ്പെട്ടിരുന്നു.
യു.എ.ഇയില് അറസ്റ്റിലാവുന്ന കേരളത്തില് നിന്നുള്ള രാഷ്ട്രീയ- സാമുദായിക- ബിസിനസ് ബന്ധങ്ങളുള്ള പ്രമുഖരുടെ മക്കളിൽ മൂന്നാമത്തെയാളാണ് ബൈജു ഗോപാലന്. കോടിയേരി ബാലകൃഷ്ണന്റെ മകൻ ബിനോയ് കോടിയേരി നേരത്തെ ദുബായിൽ അറസ്റ്റിലായത് ലൈംഗിക പീഡന കേസിലാണ്. കോഴിക്കോട് ജില്ലയിൽ നിന്നുള്ള ഒരു പ്രമുഖ സി.പി.എം നേതാവിന്റെ ഒരേയൊരു പുത്രനും കഴിഞ്ഞ കുറെ കാലങ്ങളായി സാമ്പത്തിക കേസുകളിൽ കുടുങ്ങി ജയിലിലാണെന്നാണ് വിവരം.