June 19, 2020
June 19, 2020
ദോഹ : ഇന്ന് വെള്ളിയാഴ്ച്ച ആയതിനാല് ഖത്തറിലെ മുസ്ലിം പള്ളികളിൽ ളുഹര് നമസ്കാരം (മധ്യാഹ്ന പ്രധാന) ഉണ്ടായിരിക്കില്ലെന്ന് ഇസ്ലാമിക കാര്യ മന്ത്രാലയം അറിയിച്ചു. കോവിഡ് നിയന്ത്രണം നീക്കുന്നതിന്റെ ആദ്യഘട്ടമായ ജൂണ് 15 മുതല് ഖത്തറിലെ 500 ഓളം പള്ളികൾ പ്രാർത്ഥനക്കായി തുറന്നെങ്കിലും വെള്ളിയാഴ്ച്ചകളിലെ ജുമുഅ നമസ്കാരം ഉണ്ടാവില്ലെന്ന് നേരത്തേ അറിയിച്ചിരുന്നു. ഇതനുസരിച്ച് ജൂണ് 15 മുതല് തുറന്ന പള്ളികളിൽ ഇന്ന് ജുമുഅ നമസ്കാരമോ ളുഹര് നമസ്കാരമോ ഉണ്ടാവില്ല. പകരം വിശ്വാസികള് വീട്ടില് വച്ച് ളുഹര് നമസ്കരിക്കണമെന്നും മറ്റു സമയങ്ങളിലെ നമസ്കാരങ്ങള് പതിവ് സുരക്ഷാ മാനദണ്ഡങ്ങൾ പാലിച്ച് നടക്കുമെന്നും ഔഖാഫ് അറിയിച്ചു.