December 19, 2020
December 19, 2020
ദോഹ : ആശങ്കകൾക്ക് വിരാമമിട്ട് കോവിഡ് പ്രതിരോധ വാക്സിന്റെ ആദ്യ ബാച് ഈ മാസം 21 ന് തിങ്കളാഴ്ച ഖത്തറിൽ എത്തുമെന്ന് പ്രധാനമന്ത്രി ശൈഖ് ഖാലിദ് ബിൻ ഖലീഫ ബിൻ അബ്ദുൽ അസീസ് അറിയിച്ചു. ആരോഗ്യ പ്രോട്ടോക്കോൾ പാലിച്ചു കൊണ്ട് രാജ്യത്തെ മുഴുവൻ ജനങ്ങൾക്കും വാക്സിൻ ലഭ്യമാക്കുമെന്നും അദ്ദേഹം ട്വീറ്റ് ചെയ്തു.
ഖത്തർ അമീറിന്റെ നിർദേശ പ്രകാരം കോവിഡ് വാക്സിന്റെ ആദ്യ ബാച് മറ്റന്നാൾ രാജ്യത്തെത്തും. ആരോഗ്യ പ്രോട്ടോക്കോൾ പ്രകാരം രാജ്യത്തെ മുഴുവൻ ജനങ്ങൾക്കും വാക്സിൻ ലഭ്യമാക്കാൻ ആരോഗ്യ മേഖലക്ക് ആവശ്യമായ നിർദേശം നൽകിയിട്ടുണ്ട്.കോവിഡ് പകർച്ച വ്യാധിയെ നിയന്ത്രിച്ചു ജീവിതം സാധാരണ നിലയിലാക്കുന്നതിനുള്ള പരിശ്രമങ്ങളിലെ സുപ്രധാന ചുവടുവെപ്പാണിത്.
രോഗത്തെ നേരിടാനുള്ള ഞങ്ങളുടെ പദ്ധതിയുടെ വിജയത്തിൽ അഭിമാനമുണ്ട്.മെഡിക്കൽ ടീമുകൾക്കും അതിൽ ഉൾപ്പെട്ടിരിക്കുന്ന എല്ലാവരോടും ഞങ്ങൾ നന്ദി അറിയിക്കുന്നു, അറബിയിലുള്ള ട്വീറ്റിൽ പ്രധാനമന്ത്രി വ്യക്തമാക്കി. രാജ്യത്തെ മുഴുവൻ ജനങ്ങൾക്കും കോവിഡ് പ്രതിരോധ വാക്സിൻ സൗജന്യമായാണ് നൽകുകയെന്ന് പ്രധാനമന്ത്രി നേരത്തെ അറിയിച്ചിരുന്നു.
ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.