November 28, 2021
November 28, 2021
കോവിഡിൽ നിന്നും ലോകരാജ്യങ്ങൾ കരകയറി വരുന്നതിനിടെ കണ്ടെത്തിയ പുതിയ വകഭേദത്തെ ചുറ്റിപ്പറ്റിയുള്ള വ്യാജസന്ദേശങ്ങൾ സമൂഹമാധ്യമങ്ങളിൽ പറന്നുനടക്കുന്നു. കോവിഡ് രൗദ്രഭാവത്തിൽ നിറഞ്ഞാടിയ 2019 വർഷത്തിലെ വാർത്തകളിലെ വർഷം മാറ്റിയാണ് സോഷ്യൽ മീഡിയയിൽ ഒരുകൂട്ടർ അനാവശ്യ ഭീതി സൃഷ്ടിക്കുന്നത്.
സൗദി അറേബ്യയിൽ ലോക്ക്ഡൗൺ ആരംഭിച്ചു, വിമാനസർവീസുകൾ ഒക്കെയും റദ്ധാക്കി, യൂറോപ്പിൽ ആയിരക്കണക്കിനാളുകൾ മരിച്ചുവീഴുന്നു, വ്യാജവാർത്തകളുടെ നിര നീളുകയാണ്. ആഫ്രിക്കൻ രാജ്യങ്ങളിൽ നിന്നുള്ള സർവീസുകൾ മിക്ക രാജ്യങ്ങളും നിർത്തി വെച്ചതല്ലാതെ ഒമിക്രോണിന്റെ രംഗപ്രവേശനം ഇതുവരെ കൂടുതൽ നടപടികൾ സ്വീകരിക്കേണ്ട ഘട്ടത്തിലേക്ക് എത്തിയിട്ടില്ല എന്നിരിക്കെ, വാട്സപ്പിലൂടെയും മറ്റും പ്രചരിക്കുന്ന ഈ വാർത്തകൾ ആളുകളിൽ അനാവശ്യഭീതിയും സമ്മർദ്ദവും സൃഷ്ടിക്കുകയാണ്. വ്യാജപ്രചരണങ്ങളിൽ വീഴരുതെന്നും, ഔദ്യോഗിക അറിയിപ്പുകൾ മാത്രമേ പിന്തുടരാവൂ എന്നും വിവിധരാജ്യങ്ങളുടെ ഭരണത്തലവന്മാർ ജനങ്ങളോട് അഭ്യർത്ഥിച്ചു.