December 29, 2019
December 29, 2019
ദോഹ: ഖത്തറിൽ നടന്ന ഫിഫ ക്ലബ് ലോക കപ്പിന്റെ സംഘാടനവും നടത്തിപ്പും വൻ വിജയമാക്കിയ ഖത്തറിനെ പ്രകീർത്തിച്ച് ഫിഫ വീണ്ടും രംഗത്ത്. വലിയ രീതിയിലുള്ള കായിക മത്സരങ്ങള് വിജയകരമായി നടത്താനുള്ള ഖത്തറിന്റെ കഴിവാണ് ഇതിലൂടെ തെളിയിക്കപ്പെട്ടതെന്ന് ഫിഫ അഭിപ്രായപ്പെട്ടു. 2022 ലോക കപ്പ് നടത്താൻ ഖത്തർ എന്തുകൊണ്ടും പ്രാപ്തരാണെന്ന് തെളിയിക്കാൻ ഖത്തറിന് ഇതിലൂടെ കഴിഞ്ഞുവെന്നും ഫിഫ വ്യക്തമാക്കി.
'ഖത്തറിന് ഓര്മിക്കാവുന്ന ഒരു വര്ഷം' എന്ന തലക്കെട്ടില് ഫിഫ വെബ്സൈറ്റില് പ്രസിദ്ധീകരിച്ച റിപ്പോര്ട്ടിലാണ് ഇക്കാര്യം പറയുന്നത്. 2019 ല് ലോക റാങ്കിംഗില് ഏറ്റവും കൂടുതല് പോയിന്റ് കരസ്ഥമാക്കിയത് ഖത്തര് ടീം ആണ്. ഒരു വര്ഷം 138 പോയിന്റ് ആണ് ഖത്തര് നേടിയത്. കഴിഞ്ഞ വര്ഷത്തെ 93 ആം റാങ്കിംഗില് നിന്നും ഖത്തര് 38 സ്ഥാനം ഉയര്ന്ന് ഈ വര്ഷം 55 ആം സ്ഥാനത്തെത്തിയിരുന്നു.