March 18, 2022
March 18, 2022
റിയാദ് : സൗദി അറേബ്യയിലെ ഒരു അപ്പാർട്ട്മെന്റിൽ സ്ഫോടനമുണ്ടായതായും, ഒരാൾക്ക് പരിക്കേറ്റതായും റിയാദ് സിവിൽ ഡിഫൻസ് ഡയറക്ടറേറ്റ് അറിയിച്ചു. സ്ഫോടനത്തിന് പിന്നാലെയുണ്ടായ തീപ്പിടുത്തത്തിലാണ് ഇയാൾക്ക് പരിക്കേറ്റത്. അൽ യാസ്മിൻ പ്രദേശത്തുള്ള ഒരു കെട്ടിടത്തിലാണ് അപകടമുണ്ടായത്.
ഉഗ്രശബ്ദത്തോടെ ഉണ്ടായ സ്ഫോടനത്തിൽ, കെട്ടിടത്തിന്റെ സമീപത്ത് നിർത്തിയിട്ടിരുന്ന നിരവധി കാറുകൾക്ക് കേടുപാടുകൾ സംഭവിച്ചു. വാതകചോർച്ചയാണ് അപകടകാരണമെന്നാണ് പ്രാഥമിക റിപ്പോർട്ടുകൾ. കെട്ടിടത്തിന്റെ അടുക്കള ഭാഗത്തായിട്ടാണ് സ്ഫോടനം ഉണ്ടായത് എന്നതിനാലാണ് ഉദ്യോഗസ്ഥർ ഇത്തരമൊരു നിഗമനത്തിലെത്തിയത്.