April 16, 2022
April 16, 2022
മനാമ : ബഹ്റൈനിൽ മലയാളികളുടെ റൂമിൽ പാചക വാതക ചോർച്ചയെ തുടർന്ന് സ്ഫോടനം. ഹമദ് ടൗൺ സൂഖിനടുത്തുള്ള കെട്ടിടത്തിലാണ് വ്യാഴാഴ്ച്ച രാവിലെ സ്ഫോടനം ഉണ്ടായത്. സ്ഫോടനത്തിന്റെ ആഘാതത്തിൽ അടുക്കളയിൽ കനത്ത നാശനഷ്ടങ്ങൾ ഉണ്ടായെങ്കിലും, താമസക്കാർ അത്ഭുതകരമായി രക്ഷപ്പെട്ടു.
ഗാരേജിലും സൂഖിലുമായി ജോലി ചെയ്യുന്ന തൊഴിലാളികളാണ് ഇവിടെ താമസിച്ചിരുന്നത്. രാവിലെ താമസക്കാരിലൊരാൾ സ്വിച്ച് ഓണാക്കിയതും വലിയ ശബ്ദത്തോടെ പൊട്ടിത്തെറി ഉണ്ടാവുകയായിരുന്നു. ഇയാളുടെ വലത് കയ്യിൽ പൊള്ളലേറ്റിട്ടുണ്ട്. ഇയാളെ ബി.ഡി.എഫ് ആശുപത്രിയിൽ പ്രവേശിപ്പിച്ചു. റൂമിലെ ജനൽചില്ലുകളും, ഒരു സ്റ്റീൽ അലമാരയും വാതിലുകളും സ്‌ഫോടനത്തിൽ തകർന്നു.
