April 16, 2021
April 16, 2021
ദോഹ: 2020 ലെ സോഷ്യല്‍ റെസ്‌പോണ്‍സിബിലിറ്റി പുരസ്‌കാരം ഖത്തര്‍ വിദ്യാഭ്യാസ മന്ത്രി ഡോ. മുഹമ്മദ് ബിന്‍ അബ്ദുല്‍ വാഹിദ് അല്‍ ഹമ്മാദി സ്വീകരിച്ചു. ദാര്‍ അല്‍ ഷാര്‍ഖ് ഗ്രൂപ്പ് ഡയറക്ടര്‍ ബോര്‍ഡ് ചെയര്‍മാന്‍ ശൈഖ് ഡോ. ഖാലിദ് ബിന്‍ താനി ബിന്‍ അബ്ദുല്ല അല്‍താനിയാണ് പുരസ്‌കാരം സമ്മാനിച്ചത്.
ആഗോളതലത്തില്‍ മാഹാമാരി ആഞ്ഞടിച്ചപ്പോഴും വിദ്യാഭ്യാസ പ്രക്രിയയുടെ തുടര്‍ച്ച ഉറപ്പാക്കാന്‍ നടത്തിയ ശ്രദ്ധേയമായ ശ്രമങ്ങളെ അംഗീകരിച്ചാണ് വിദ്യാഭ്യാസ മന്ത്രിക്ക് പുരസ്‌കാരം നല്‍കിയത്.
വിദ്യാഭ്യാസ പ്രക്രിയ തടസമോ കാലതാമസമോ ഇല്ലാതെ മുന്നോട്ട് കൊണ്ടുപോകുന്നതിനുള്ള ശ്രമങ്ങളെ പ്രോത്സാഹിപ്പിക്കുന്നത് സമൂഹത്തിന്റെയും മാധ്യമസ്ഥാപനങ്ങളുടെയും കടമയാണെന്ന് ചടങ്ങില്‍ ശൈഖ് ഡോ. ഖാലിദ് പറഞ്ഞു. കഴിഞ്ഞ ആഴ്ച ദാര്‍ അല്‍ ഷാര്‍ഖ് ഗ്രൂപ്പ് സംഘടിപ്പിച്ച എട്ടാമത് സോഷ്യല്‍ റെസ്‌പോണ്‍സിബിലിറ്റി കോണ്‍ഫറന്‍സിലാണ് ഡോ. അല്‍ ഹമ്മാദിക്ക് പുരസ്‌കാരം പ്രഖ്യാപിച്ചത്.
2020 ല്‍ കൊവിഡ്-19 മഹാമാരിയെ നേരിടാനുള്ള ശ്രമങ്ങളെ അംഗീകരിച്ചുകൊണ്ട് 18 പ്രാദേശിക സ്ഥാപനങ്ങള്‍ക്കാണ് സോഷ്യല്‍ റെസ്‌പോണ്‍സിബിലിറ്റി പുരസ്‌കാരത്തിനായി തെരഞ്ഞെടുത്തത്.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
