April 05, 2020
April 05, 2020
ദുബായ് ; കടുത്ത നിയന്ത്രണങ്ങള്‍ ഏര്‍പ്പെടുത്തിയ ദുബൈയില്‍ മെട്രോ, ട്രാം സര്‍വിസുകള്‍ രണ്ടാഴ്ചത്തേക്ക് സര്‍വിസ് നിര്‍ത്തിവെച്ചു. എന്നാല്‍, അനുമതിയോടെ പുറത്തിറങ്ങുന്നവര്‍ക്ക് ബസുകളില്‍ യാത്ര സൗജന്യമാക്കി. ഇതിന് പുറമെ ടാക്സികളില്‍ 50 ശതമാനം നിരക്കിളവും ഏര്‍പ്പെടുത്തി.
ദേശീയ അണുവിമുക്തമാക്കല്‍ യജ്ഞം നീട്ടിയതോടെയാണ് റോഡ് ട്രാന്‍സ്പോര്‍ട്ട് അതോറിറ്റിയുടെ (ആര്‍.ടി.എ) തീരുമാനം. നേരത്തെ, മെട്രോ യാത്രക്കാര്‍ക്ക് നിയന്ത്രണം ഏര്‍പ്പെടുത്തിയിരുന്നു. കൃത്യമായ അകലത്തില്‍ മാത്രമെ യാത്രക്കാരെ അനുവദിച്ചിരുന്നുള്ളൂ. മെട്രോയുടെ യാത്രാ സമയം രാവിലെ ഏഴ് മുതല്‍ രാത്രി ഏഴ് വരെയായി പരിമിതപ്പെടുത്തിയിരുന്നു.
ഇതിന് പിന്നാലെയാണ് സര്‍വിസ് പൂര്‍ണമായും നിര്‍ത്തിവെക്കുന്നത്. ഒാരോ സര്‍വിസ് കഴിയുേമ്ബാഴും അണുവിമുക്തമാക്കിയ ശേഷമാണ് മെട്രോ സര്‍വിസ് നടത്തിയിരുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
