April 27, 2020
April 27, 2020
ദുബൈ നഗരത്തിലെ കോവിഡ് ഹോട്ട്സ്പോട്ട് മേഖലകളായിരുന്ന നായിഫ്, അൽറാസ് പ്രദേശങ്ങളിലെ പ്രവേശന വിലക്ക് പിൻവലിച്ചു. ഇന്നലെ രാത്രിയാണ് മലയാളികളുടെ പ്രധാന വാണിജ്യ കേന്ദ്രമായ മേഖലകളിൽ 28 ദിവസം നീണ്ടുനിന്ന ലോക് ഡൗൺ പിൻവലിച്ചത്.
നായിഫ്, ആൽറാസ് മേഖലകളെ കോവിഡ് മുക്തമാക്കാൻ പ്രവർത്തിച്ച സന്നദ്ധ സേനയും പൊലീസിന്റെ വിവിധ വിഭാഗങ്ങളും ഇന്നലെ രാത്രി നഗരത്തിൽ അണിനിരന്ന് ദേശീയഗാനത്തിന്റെ അകമ്പടിയോടെ നഗരവാസികളെ അഭിവാദ്യം ചെയ്തു. രണ്ട് ദിവസമായി ഈ മേഖലയിൽ പുതിയ കേസുകളൊന്നും റിപ്പോർട്ട് ചെയ്യാത്ത സാഹചര്യത്തിലാണ് ലോക്ക് ഡൗൺ പിൻവലിച്ചത്. 28 ദിവസം ഇവിടെ നിന്ന് ആർക്കും പുറത്തുപോകാനോ പുറത്തുള്ളവർക്ക് ഇവിടേക്ക് വരാനോ അനുമതിയുണ്ടായിരുന്നില്ല.
പ്രവേശന വിലക്ക് പിൻവലിച്ചെങ്കിലും രാത്രി 10 മുതൽ രാവിലെ 6 വരെ മറ്റിടങ്ങളിൽ നിലനിൽക്കുന്ന നിയന്ത്രണങ്ങൾ ഇവിടെയും തുടരും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
