May 18, 2022
May 18, 2022
ഗസ : ഫലസ്തീൻ യുവാവിന്റെ മൃതദേഹവും വഹിച്ചുകൊണ്ടുള്ള വിലാപയാത്രക്ക് നേരെ ഇസ്രായേൽ പോലീസ് നടത്തിയ ആക്രമണത്തിൽ നിരവധി പേർക്ക് പരിക്കേറ്റു.ഏപ്രിൽ 22 ന് ജറുസലേമിലെ പള്ളി കോമ്പൗണ്ടിൽ ഫലസ്തീനികൾക്കെതിരെ ഇസ്രായേൽ പോലീസ് നടത്തിയ ആക്രമണത്തിൽ വാലിദ് അൽ-ഷെരീഫ് എന്ന യുവാവിന് തലയ്ക്ക് ഗുരുതരമായി പരിക്കേറ്റിരുന്നു.തുടർന്ന് ചികിത്സയിലിരിക്കെ തിങ്കളാഴ്ച്ച മരണപ്പെടുകയായിരുന്നു.
തിങ്കളാഴ്ച ഷെരീഫിന്റെ മൃതദേഹവുമായി നടന്ന വിലാപ യാത്രക്ക് നേരെ ഇസ്രായേൽ പോലീസ് കണ്ണീർ വാതക കാനിസ്റ്ററുകളും റബ്ബർ പൊതിഞ്ഞ ബുള്ളറ്റുകളും ഉപയോഗിച്ച് ആക്രമണം നടത്തുകയായിരുന്നു.എഴുപത് പേർക്ക് ആക്രമണത്തിൽ പരിക്കേറ്റതായി അൽ ജസീറ റിപ്പോർട്ട് ചെയ്തു.
റബ്ബർ പൊതിഞ്ഞ ബുള്ളറ്റ് ഉപയോഗിച്ച് പോലീസ് ഷെരീഫിന്റെ തലയ്ക്ക് വെടിവെക്കുകയായിരുന്നുവെന്നാണ് ദൃക്‌സാക്ഷികളും ഷെരീഫിന്റെ കുടുംബവും പറയുന്നത്.അതേസമയം നിലത്തുവീണ് പരിക്കേറ്റതിനെ തുടർന്നാണ് അദ്ദേഹം മരിച്ചതെന്നാണ് ഇസ്രായേൽ അധികൃതരുടെ ഭാഷ്യം.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
