May 09, 2020
May 09, 2020
ദോഹ : ഖത്തറിൽ നിന്നും നാട്ടിലേക്ക് മടങ്ങുന്ന പ്രവാസി മലയാളികളുമായി ആദ്യ വിമാനം യാത്ര തിരിച്ചു.IX 476 എയർ ഇന്ത്യ എക്സ്പ്രസ് വിമാനമാണ് ഇന്ന് വൈകീട്ട് 7.25 ഓടെ 180 യാത്രക്കാരുമായി ദോഹയിൽ നിന്നും യാത്ര തിരിച്ചത്. 181 യാത്രക്കാർ വിമാനത്താവളത്തിൽ എത്തിയിരുന്നെങ്കിലും ഇരുപത് വർഷത്തിൽ കൂടുതലായി നാട്ടിലേക്ക് പോകാതിരുന്ന ഒരാളെ എമിഗ്രെഷൻ നടപടികളിലെ ചില പ്രശ്നങ്ങൾ കാരണം തിരിച്ചയക്കുകയായിരുന്നു.
ഞായറാഴ്ച പുലർച്ചെ രണ്ടു മണിക്ക് മുമ്പ് വിമാനം കൊച്ചിയിൽ എത്തിച്ചേരും. ഇന്ത്യൻ എംബസിയിൽ രജിസ്റ്റർ ചെയ്തവരിൽ നിന്നും രോഗികളും ഗർഭിണികളും ഉൾപെടെ അടിയന്തരമായി നാട്ടിലെത്തിക്കേണ്ടവരെ മാത്രമാണ് ഈ വിമാനത്തിൽ കൊച്ചിയിൽ എത്തിക്കുന്നത്. നാളെ തിരുവനന്തപുരത്തേക്കാണ് ദോഹയിൽ നിന്നും രണ്ടാമത്തെ വിമാനം യാത്ര തിരിക്കുക.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.