April 23, 2020
April 23, 2020
ദോഹ : കോവിഡ് പ്രതിരോധത്തിന്റെ ഭാഗമായി അടച്ചിട്ട ദോഹ ഡി റിങ് റോഡിലെ ലുലു മാൾ ഇന്ന് രാവിലെ വീണ്ടും പ്രവർത്തനം തുടങ്ങി.ആരോഗ്യമന്ത്രാലയത്തിന്റെ നിര്ദേശപ്രകാരമുള്ള എല്ലാ പ്രതിരോധ നടപടികളും പൂർത്തിയാക്കിയാണ് ഇന്ന് രാവിലെ എട്ടുമണിയോടെ ലുലുഹൈപ്പർ മാർക്കറ്റ് വീണ്ടും തുറന്നത്.അണുവിമുക്തിയും ഡീപ് ക്ളീനിംഗും ഉൾപ്പെടെയുള്ള എല്ലാ സുരക്ഷാ മുൻകരുതലുകളും സ്വീകരിച്ച ശേഷമാണ് ഹൈപ്പർമാർക്കറ്റ് വീണ്ടും തുറക്കുന്നതെന്ന് ബന്ധപ്പെട്ടവർ അറിയിച്ചു.അതേസമയം മാളിൽ പ്രവർത്തിച്ചിരുന്ന ഫാർമസികളും ഭക്ഷ്യോത്പന്നങ്ങൾ വിൽക്കുന്ന ഭാഗവും ഒഴികെയുള്ള സ്ഥാപനങ്ങൾക്ക് ഏർപ്പെടുത്തിയിരുന്ന നിയന്ത്രണം തുടരും.
പതിനാല് ദിവസങ്ങൾക്ക് മുമ്പാണ് ഡി റിങ് റോഡിലെ ഹൈപ്പർമാർക്കറ്റ് അടച്ചത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.